- शुक्रवार, कार्तिक १४ गते २०८३
TRENDING
कुरिनटार, ९ जेठ । चितवनको इच्छाकामना गाउँपालिकाका नवनिर्वाचित सबै जनप्रतिनिधिहरुले शपथ ग्रहण गरेका छन् । गाउँपालिकामा आज एक कार्यक्रमको आयोजना गरि उपाध्यक्ष, वडाध्यक्ष लगायत सम्पूर्ण नवनिर्वाचित जनप्रतिनिधिरुले शपथ ग्रहण गरेका हुन् ।
गाउँपालिकामा निर्वाचित अध्यक्ष दान बहादुर गुरुङले नवनिर्वाचित उपाध्यक्ष माया सिलवाल लगायत वडाध्यक्ष र वडासदस्य सबैलाई देश र जनताको पक्षमा काम गर्ने शपथ खुवाएका थिए।
इच्छाकामना गाउँपालिकामा यसपटक ३७ जना जनप्रतिनिधि निर्वाचित भएका छन्। जसमध्य अध्यक्ष, उपाध्यक्ष ५ वडाध्यक्ष सहित २८ जना नेकपा एमालेबाट, १ वडाध्यक्ष सहित ६ जना काँग्रेसबाट र १ वडाध्यक्ष सहित ३ जना माओवादी केन्द्रबाट निर्वाचित जनप्रतिनिधी छन्।
नवनिर्वाचित अध्यक्ष दान बहादुर गुरुङले भने शुक्रबार नै चितवनका जिल्ला न्यायाधीश प्रकाशकुमार अधिकारी समक्ष शपथ ग्रहण गरिसकेको छ ।
शपथ ग्रहणसँगै आजै सबै नवनिर्वाचित जनप्रतिनिधिले आफ्नो कार्यभार सुरु गरेका छन्।
यसैबिच नवनिर्वाचित जनप्रतिनिधिहरुलाई इच्छाकामना गाउँपालिकाका निर्वाचन अधिकृत इश्वर आचार्यले निर्वाचित भएको प्रमाणपत्र समेत प्रदान गरेका थिए।
साथै कार्यक्रममा गाउँपालिकाका निवर्तमान जनप्रतिनिधिहरुलाई मायाको चिनो, दोसल्ला र सम्मानपत्रले सम्मान गर्दै विदाई समेत गरिएको गाउँपालिकाका प्रमुख प्रशासकीय अधिकृत शालिकराम बस्यालले जानकारी दिए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
