- शनिवार, आश्विन ३ गते २०८३
TRENDING
कुरिनटार, ४ जेठ । नेकपा एमालेले चितवनको इच्छाकामना गाउँपालिकामा सानदार जित निकालेको छ । अघिल्लो स्थानीय तह निर्वाचनमा हार व्यहोर्न पुगेको एमालेले यसपटक झण्डै दुई तिहाई सहितको सानदार जित नजिक पुगेको छ ।
२०७४ सालको स्थानीय तह निर्वाचनमा चितवन जिल्लामै काँग्रेसको साख जोगाउन सफल इच्छाकामना दुई दल बिच गठबन्धन हुदाँ पनि यसपटक लज्जास्पद हार व्यहोर्न पुगेको छ । अहिलेसम्मको मतपरिणाम अनुसार नेपाली काँग्रेसले इच्छाकामनामा १ वटा सदस्य बाहेक कुनै पनि पदमा जित हासिल गर्न सकेको छैन ।
काँग्रेसबाट वडा नं. ३ को महिला वडा सदस्यमा सरिता गुरुङ निर्वाचित हुन बाहेक अरु कुनैपनि वडामा सदस्य पनि जित्न सकेको छैन भने वडा नं. ७ मा १२०० मत गन्दा वडाध्यक्षमा ३२ मतले अग्रता लिएको छ तर पनि अझै जित अनिश्चित छ ।
यसपटक इच्छाकामना गाउँपालिकामा गठबन्धन गरेका माओवादी केन्द्र र नेपाली काँग्रेस दुवै दललाई नराम्ररी पराजित गर्दै एमालेले सबैजसो सिटमा जित हासिल गर्दै लगेको छ । अहिलेसम्म मत गणना भएको मध्यमा नेकपा एमालेले अध्यक्ष, ५ वटा वडाध्यक्ष, २१ जना सदस्यमा जित हासिल गरेको छ भने उपाध्यक्ष, र मत गणना भैरहेको वडा नं. ७ को ४ जना सदस्यमा पनि अग्रता लिइरहेको छ ।
गठबन्धनका अर्का दल माओवादी केन्द्रले वडा नं. १ वडाध्यक्ष र वडा नं. ३ मा २ वटा सदस्य मात्र जितेको छ । यसरी हेर्दा अन्तिम मतपरिणाम आउदासम्म इच्छाकामना गाउँपालिकामा नेकपा एमालेले २ तिहाई बहुमत पाउने करिब करिब निश्चित भएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
