.png)
भुम्लिचोक, ३० वैशाख । गोरखाको गण्डकी गाउँपालिका ७ ज्ञानमार्ग मावि ‘ख’ मतदान केन्द्रमा कांग्रेस र माओवादी कार्यकर्ता बिच झडप भएको छ ।
एक ब्यक्तिले जेष्ठ नागरिकको मतदान गरिसकेपछि पुन अर्को अपाङ्गता भएको ब्यक्तिको पनि मतदान गर्न लागेको विषयमा दुई पक्ष बिच बिवाद भएको हो ।
‘दुई पक्ष बिच बिवाद सँगै झडपको अवस्था सिर्जना भयो’ गोरखाका प्रहरी प्रमुख एसपी केदार खनालले भने ‘एक राउण्ड हवाई फायर गर्नुपर्ने अवस्था आयो ।’
करिब डेढ घण्टा मतदान प्रक्रिया रोकिएको त्यहाँ अहिले पुन मतदान सुरु भएको प्रहरी प्रमुख खनालले बताए ।
