- शनिवार, आश्विन ३ गते २०८३
TRENDING
आँबुखैरेनी, २० मंसिर । तनहुँको आँबुखैरेनी गाउँपालिकाका गुरुङ समुदायले सामूहिक रुपमा एकै ठाउँमा तमू ल्होसार मनाउने भएको छ। आँबुखैरेनीमा रहेका विभिन्न गुरुङ समाज एवं संघसंस्था प्रमुखहरुको आज बसेको संयुक्त बैठकले सामूहिक रुपमा एकै ठाउँमा भेला भै यसवर्षको तमू ल्होसार मनाउने निर्णय गरेको हो।
यो निर्णयसँगै यसअघि गुरुङ समाज अनुसार छुट्टाछुट्टै रुपमा मनाउदै आएको तमू ल्होसार यसवर्ष भने सबै एकै ठाउँ भेला भै सामूहिक रुपमा मनाउने माई छिम्केश्वरी तमू समाज आँबुखैरेनीका अध्यक्ष पृथ्वी बहादुर गुरुङले जानकारी दिए। उनका अनुसार संयुक्त बैठकले आँबुखैरेनी गाउँपालिका ३ मा रहेको गुम्बा र शिवालय मन्दिर परिसरमा मनाउने निर्णय गरेको छ।
बैठकमा माई छिम्केश्वरी तमू समाज आँबुखैरेनी, आँबुखैरेनी तमू समाज आँबुखैरेनी, तमू प्ये ल्हु संघ ढकालकार इकाई, तमू प्ये ल्हु संघ बरादी इकाई, तमू प्ये ल्हु संघ तिलबारी इकाई, गाउँबेसी तमू समाज, सत्रसय तमू समाज, गिरानचौर तमू समाजको उपस्थिति रहेको थियो।
साथै बैठकमा आँबुखैरेनी गाउँपालिका वडा नं. ४ का वडाध्यक्ष नेत्र बहादुर गुरुङ र वडा नं. ६ का वडाध्यक्ष सुन बहादुर गुरुङको पनि विशेष उपस्थिति रहेको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
