- शनिवार, कार्तिक २२ गते २०८३
TRENDING
आँबुखैरेनी, १९ कार्तिक । नेपालीहरुको आफ्नै नयाँ वर्ष नेपाल सम्वत्ः ११४२ लाई नेवारी बाजा तथा नाचगान सहित आँबुखैरेनीको नेवार समुदायले स्वागत गरेको छ। झिंगु नेवाः खलः आँबुखैरेनीको आयोजनामा आज बिहान एक कार्यक्रमको आयोजना गरि नेवारी बाजागाजा र नाचगान सहित नेपाल संम्वतको स्वागत गरिएको हो।
नेपाल सम्वत्को अवसरुमा खलःले धिमे बाजा, कुमारी यात्रा तथा लाखे नाच प्रस्तुत गर्दै झाँकी सहित न्हु दया भिन्तुना र्यालीले नगर परिक्रमा समेत गरेको थियो। करिब १०० जनाको उपस्थिति रहेको उक्त कार्यक्रमको नेतृत्व खलःको अध्यक्ष शुभ लक्ष्मी श्रेष्ठले गरेका थिए। र्यक्रममा विभिन्न संघ संस्थाका प्रतिनिधिहरु, ब्यापारीवर्गहरुका साथै सुरक्षाकर्मीहरुको बाक्लो उपस्थिती रहेको थियो।
बिहान ८ बजे शिव मन्दिर प्राङ्गणमा जम्मा भई गरिएको भिन्तुना र्याली मौलिक नेवारी बाजा तथा नाचगान सहित आँबुखैरेनी चोकमा बनाएको मन्डलामा जेष्ठ नागरिकहरुद्वारा दिप प्रज्वलन गर्नुका साथै सगुनको कार्यक्रमका साथ सम्पन्न गरिएको खलका अध्यक्ष शुभलक्ष्मी श्रेष्ठले बताईन्।
उक्त कार्यक्रममा वरिष्ठ समाजसेवी तथा झिंगु नेवाः खलःका सल्लाहकार बंशीराम प्रधानद्वारा नेपाल सम्बतको बारेमा तथा नेवारी रितिरिवाज र यसको महत्त्वको बारेमा प्रकाश पारेका थिए। उक्त भिन्तुना र्यली आँबुखैरेनीको बसपार्कमा रहेको गणेश मन्दिरको परिक्रमा गर्दै ११ बजे आँबुखैरेनीको मिलन चोकमा बिसर्जन गरिएको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
