याकराङ, २१ असोज । क्लवका सदस्य स्वर्गीय सुर्य गुरुङको स्मृतिमा सिद्धिविनायक युवा क्लव इच्छाकामना ६ याकराङ चितवनले आयोजना गरेको स्वर्गीय सुर्य गुरुङ स्मृति कप फुटबल प्रतियोगिता आजदेखि सुरु भएको छ। नेपालीहरुको महान चाड बडा दशैंको अवसर पारेर आयोजना गरिएको प्रतियोगिताको स्वर्गीय सुर्य गुरुङका दाजु सुरज गुरुङको प्रमुख आतिथ्यतामा आजदेखि सुरु भएको हो।

कुल ३२ टिम सहभागी प्रतियोगिताको पहिलो दिन ६ खेल भएको छ। प्रतियोगितामा उद्घाटन खेल पिपलटार युृवा क्लव र झाङ्गझुङ्गे युवा क्लव बिच भएको थियो। सो खेलमा पिपलटार युवा क्लवलाई १–२ गोल अन्तरले हराउदै झाङ्गझुङ्गे युवा क्लव विजयी भएको छ। 

यस्तै दोस्रो खेलमा सिद्धदेवी युवा क्लव पाँचकिलोले ६–० गोल अन्तरले चनौटे युवा क्लवलाई हराएको छ। तेस्रो खेलमा देविटार युवा क्लवलाई ० का विरुद्ध २ गोल गर्दै मौवाखोला युवा क्लव विजयी भएको छ भने पेनाल्टी सुट आउटमा १–० मनकामना युवा क्लवलाई हराउदै लगनशिल युवा क्लवले जित निकालेको छ। 

आजै भएको अर्को खेलमा आयोजक सिद्धिविनायक युवा क्लव ‘बि’ टिमलाई पेनाल्टी सुट आउट ० का विरुद्ध १ गोल गर्दै काउले युवा क्लवले जित दर्ता गरेको छ भने अन्तिममा भएको मुग्लिन युवा क्लव विरुद्ध दाहाखानी युवा क्लव बिचको खेल निर्धारित समयमा बराबरी भएको छ। उक्त २ टिम बिच भोली बिहान १० मिनेट प्रतिस्पर्धा गरिने स्थानीय देवकुमार गुरुङले जानकारी दिए।

समुद्घाटन कार्यक्रममा जिल्ला समन्वय समितिका सदस्य कृष्णराज गुरुङ, जलदेवि टोल विकाश संस्थाका अध्यक्ष अमर बहादुर अधिकारी अतिथि रहेका थिए भने कार्यक्रम संचालन शिक्षक देवकुमार गुरुङले गरेका थिए। कार्यक्रम क्लवका अध्यक्ष टेष्ट कुमार गुरुङको अध्यक्षतामा सम्पन्न भएको हो।