गोरखा, २५ भदौ । भदौ २७ गते नेपाली कांग्रेसको पालिका स्तरीय अधिवेशन हुँदैछ । १८ गते वडा अधिवेशन सकेका कांग्रेस नेता कार्यकर्ता पालिका अधिवेशनमा होमिएका छन् ।

उमेद्धवारका आकांक्षी केन्द्रिय र जिल्ला स्तरका नेता सँगको भेटघाटमा ब्यस्त छन् । दुईवटा नगर र आठ वटा पालिकाको अधिवेशनमा सबैको ध्यान केन्द्रित छ ।

गोरखा नगरपालिकामा यस अघि सभापति रहेको चन्दनबाबु खत्री, गोरखा नगरपालिका ३ का प्रबिण तिवारी र वडा नम्बर १२ मा कांग्रेसबाट वडा अध्यक्ष निर्वाचित डिलबहादुर थापाले सभापती बन्ने इच्छा देखाएका छन् । खत्री पुन अर्को कार्यकाल नगर सभापति बन्ने योजनामा लबिङ गरिरहेका छन् भने थापा आफु बन्ने दौडमा छन् ।

पालुङटार नगरपालिकामा अमर धिताल र बिमल ढकालले प्रतिषप्रर्धा गर्ने चर्चा छ । धिताल नेपाल विद्यालय संघको राजनीति गर्दै गत स्थानीय निर्वाचमा कांग्रेसबाट वडा नम्क्बर १० का उमेद्धवार समेत बनेका थिए । ढकाल यस अघिको समितिका सचिव हुन् ।

चुमनुब्री गाउँपालिकामा सुर्य गुरुङ, धार्चे गाउँपालिकामा सन्तोष गुरुङ र गण्डकी गाउँपालिकामा होमबहादुर गुरुङको चर्चा छ । यी तीनवटा पालिकामा प्रतिद्धन्धी हालसम्म देखिएका छैनन् ।

आरुघाट गाउँपालिकामा राजु गुरुङ र ज्ञानप्रसाद श्रेष्ठको चर्चा छ । सबैभन्दा धेरै आकांक्षि भिमसेन थापा गाउँपालिकामा छन् । वडा अध्यक्षहरु नारायण भट्टराई, बासु थापाको चर्चा छ । यस्तै सानुकाजी बानियाँ, कृष्णबहादुर बानियाँ, बिदेश नरालको नाम पनि गाउँपालिका पार्टी सभापतिमा आउने गरेको छ ।

शहीदलखन गाउँपालिकामा वडा नम्बर ८ का अध्यक्ष काशिनाथ अम्गाई, मदनप्रसाद लम्साल, श्रीकृष्ण ढकाल, भिमप्रसाद पोखरेलले इच्छा जाहेर गरेका छन् ।

सिरानचोक गाउँपालिकामा वडा अध्यक्ष ज्ञानेन्द्र गुरुङ, बिरबहादुर गुरुङको चर्चा छ । भक्त बहादुर गुरुङ, जयकृष्ण ढकालले पनि सिरानचोक गाउँपालिकाको पार्टी सभापतिमा उमेद्धवारी दिने बताएका छन् ।

अजिरकोट गाउँपालिकामा जंगबहादुर गुरुङ र तयाराज गुरुङको चर्चा छ । यी दुबै जना वडा अध्यक्ष हुन् । बारपाक सुलिकोट जितबहादुर घले, कृष्ण गुरुङ, केसरी ढकालको चर्चा छ । गुरुङ वडा अध्यक्ष हुन् भने घले यस अघि पनि पार्टीको पालिका स्तरीय समितिको सभापति हुन् ।

दरौदी दैनिकबाट