- शनिवार, आश्विन ३ गते २०८३
TRENDING
घ्याल्चोक, १ जेठ । गोरखाको गण्डकी गाउँपालिकाले घ्याल्चोकमा अक्सिजन सहितको अस्थायी कोभिड अस्पताल तयार पारेको छ । गाउँपालिकाले पछिल्लो समय फैलिरहेको कोभिड १९ भाइरसको दोस्रो भेरियन्ट सङ्क्रमित नागरिकको उपचारका लागि वडा नं. ८ स्थित घ्याल्चोक स्वास्थ्य चौकीमा १० बेडको अस्थायी कोभिड अस्पताल तयार पारेको हो ।
अस्पतालमा मेडिकल अफिसर डा. विकास दुवाडी सहितको मेडिकल टिम र ८ वटा अक्सिजन सिलिण्डर तयारीमा अवस्थामा राखिएको गाउँपालिकाका प्रमुख प्रशासकिय अधिकृत पुरन गुरुङले जानकारी दिनुभयो । अस्पतालमा राखिएको बिरामी थप उपचारका लागि अन्यत्र अस्पताल पठाउन सहज हुने भएकाले घ्याल्चोकमा अस्थायी कोभिड अस्पताल बनाईएको उहाँले बताउनुभयो ।
यस्तै पछिल्लो समय गाउँपालिकामा ३३ जना सक्रिय कोरोना सङ्क्रमित रहेको गाउँपालिका स्वास्थ्य शाखा प्रमुख बेली श्रेष्ठले जानकारी दिनुभयो । शाखा प्रमुख श्रेष्ठका अनुसार गाउँपालिकाका ३६ जनामा कोरोना सङ्क्रमण देखिए पनि ३ जना उपचार पछि डिष्चार्ज भएको, ४ जना गाउँपालिका भन्दा बाहिरको अस्पतालमा उपचाररत रहेको बाँकी २९ जना होम आईसोलेसनमा रहेको उनीहरुको स्वास्थ्य अवस्था सामान्य रहेको छ ।
यसैगरी गाउँपालिकाको कर्मचारीमा कोरोना सङ्क्रमण देखिएपछि स्वास्थ्य सेवा बाहेक गाउँपालिकाको सम्पूर्ण सेवा भने बुधबार देखि नै बन्द छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
