राष्ट्रिय स्वतन्त्र पार्टीकी सांसद निशा डाँगी वैवाहिक बन्धनमा बाँधिने भएकी छन् । उनले पार्टीकै संस्थापक महामन्त्री मुकुल ढकालसँग मंसिर १० गते लगनगाँठो कस्न लागेकी हुन् ।
दुवैतर्फको परिवारले बिहे तयारी तीव्र पारेको बताइन्छ । रास्वपा स्थापना हुँदै गर्दा ढकालले नै डाँगीलाई राजनीतिमा प्रवेश गराएका थिए । ढकाल पार्टीबाट निष्कासित भएपछि दुई जनाको सम्बन्ध चिसिएको चर्चा चले पनि एक वर्षअघि जनआस्थाले स्वयम्भू नजिकैको ह्वाइट गुम्बास्थित एक रेष्टुरेण्टमा गोप्य भेट भएको विषय तस्बिरसहित सार्वजनिक गरेको थियो ।
यद्यपि, सांसद डाँगीले जनआस्थासँग बौद्धमा मेडिकल खोल्ने योजना रहेको र त्यसैको छलफलका लागि मात्र भेटेको बताएकी थिइन् ।