Logo

सोमवार, मंसिर १ गते २०८३

images
२०८३, मंसिर १ गते
images

आन्तरिक राजस्व कार्यालयका प्रमुख कर अधिकृत निरौलालाई चितवन उद्योग वाणिज्य संघमा स्वागत

आन्तरिक राजस्व कार्यालयका प्रमुख कर अधिकृत निरौलालाई चितवन उद्योग वाणिज्य संघमा स्वागत

images

इच्छाकामना न्युज

१, मंसिर २०८३
आन्तरिक राजस्व कार्यालयका प्रमुख कर अधिकृत निरौलालाई चितवन उद्योग वाणिज्य संघमा स्वागत
images

भरतपुर । चितवन उद्योग वाणिज्य संघले आन्तरिक राजस्व कार्यालय भरतपुरका नवआगन्तुक प्रमुख कर अधिकृत शरद निरौलालाई स्वागत तथा परिचयात्मक छलफल गरेको छ ।

सोमबार संघको सचिवालयमा आयोजित कार्यक्रममा अध्यक्ष चिरञ्जीवी सुवेदीले प्रमुख कर अधिकृत निरौलालाई स्वागत गर्दै चितवनको कार्यकाल सफलताको शुभकामना व्यक्त गरे । उनले संघका गतिविधिबारे जानकारी गराउँदै निजी क्षेत्र र कर प्रशासनबीचको सम्बन्धलाई सहज, विश्वासिलो र पारदर्शी बनाउनुपर्नेमा जोड दिए । अध्यक्ष सुवेदीले व्यवसायीमा करसम्बन्धी त्रास सिर्जना गर्नेभन्दा पनि कर शिक्षा र सचेतनामार्फत स्वेच्छिक कर सहभागिता बढाउनुपर्ने बताए ।

कार्यक्रममा प्रमुख कर अधिकृत निरौलाले राज्यको नियमअनुसार कर तिर्नु व्यवसायीको दायित्व भएको उल्लेख गर्दै कर कार्यालयले व्यवसायीको आयलाई वैधानिक र प्रमाणित गर्ने भूमिका निर्वाह गर्ने बताए । उनले राज्यले निर्धारण गरेको कर नीति र कानुनको परिधिभित्र रहेर व्यवसाय सञ्चालन गर्न उद्यमी–व्यवसायीलाई आग्रह गरे ।

व्यवसायीलाई कर दाखिला तथा परामर्शमा सहजता प्रदान गर्ने उद्देश्यले चितवन उद्योग वाणिज्य संघले आन्तरिक राजस्व कार्यालय परिसरमा सञ्चालन गरेको ‘हेल्प डेस्क’ को प्रशंसा गर्दै उनले त्यसलाई थप प्रभावकारी र व्यवस्थित बनाउन कार्यालयको तर्फबाट पूर्ण सहयोग रहने प्रतिबद्धता व्यक्त गरे ।

यसैगरी, नेपाल उद्योग वाणिज्य महासंघका कार्यकारिणी समिति सदस्य तथा संघका निवर्तमान अध्यक्ष चुननकुमार श्रेष्ठले स्वच्छ, पारदर्शी र प्रविधिमैत्री कर प्रणाली आजको आवश्यकता भएको बताए । कर प्रशासन सुधार र व्यवसायीमैत्री वातावरण निर्माणका लागि संघ सहकार्य गर्न तयार रहेको उनको भनाइ थियो । श्रेष्ठले आगामी पुस २५ देखि माघ ९ गतेसम्म १६औँ संस्करणको चितवन महोत्सव आयोजना गर्न लागिएको जानकारी गराउँदै प्रमुख कर अधिकृत निरौलालाई महोत्सव सफल बनाउन सहयोग गर्न आग्रह गरे ।

संघका वरिष्ठ उपाध्यक्ष राजेन्द्र ओलीले धन्यवाद ज्ञापन गरेको कार्यक्रममा उपाध्यक्षहरू नारायण प्रधान, जनक पौडेल र राजन पियालगायत कार्यसमिति सदस्य तथा विभिन्न वस्तुगत संघका अध्यक्ष र पदाधिकारीहरूको उपस्थिति थियो । संघका अध्यक्ष चिरञ्जीवी सुवेदीको अध्यक्षतामा सम्पन्न कार्यक्रम कार्यकारी निर्देशक निलबहादुर केसीले सञ्चालन गरेका थिए ।

images
प्रकाशित मिति :मंसिर १, २०८३ सोमवार - १६:०२:३१ बजे

इच्छाकामना न्युज

इच्छाकामना ब्रोडकाष्टिङ मिडिया प्रा. लि. द्वारा संचालित डिजिटल अनलाईन पत्रिका इच्छाकामना न्युज डटकम २०७४ साल जेठ देखि संचालनमा रहेको नेपाली भाषाको अनलाईन न्युज पोर्टल हो। ‘अब गाउँको खबर विश्वभर...’ भन्ने अभियानका साथ संचालित इच्छाकामना न्युज अनलाईन चितवनको इच्छाकामना गाउँपालिकाबाट संचालित पहिलो अनलाईन पनि हो। विशेष गरेर चितवनको इच्छाकामना गाउँपालिका सहित आसपासका स्थानीय तहहरु गोरखाको शहिद लखन र गण्डकी, तनहुँको आँबुखैरेनी र देवघाटका साथै धादिङको बेनिघाट रोराङ गाउँपालिकाको स्थानीय सरकारका गतिविधिका साथै विकास निर्माण, सुरक्षा, अपराध, कृषी, पर्यटन, सडक, विज्ञान–प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचारहरु हामी प्राथमिकताका साथ प्रकाशन गर्ने गर्छौ।

सम्बन्धित समाचार
images
images

Copyright © All right reserved to ichchhakamananews Site By: SobizTrend Technology