- मंगलवार, कार्तिक १८ गते २०८३
TRENDING
जिल्ला प्रहरी परिसर काठमाडौंका अनुसार चाडपर्वमा नागरिकलाई सुरक्षित रूपमा आवतजावत तथा किनमेल गर्ने वातावरण बनाउन बजार, बसपार्क, सार्वजनिकस्थल र वित्तीय संस्थाको आसपासमा सुरक्षा निगरानी बढाइएको छ।
परिसरका प्रवक्ता एवं प्रहरी उपरीक्षक दानबहादुर थापाका अनुसार परिचालित प्रहरीमध्ये १०० जना सादा पोसाकमा खटिएका छन्। उनीहरूले भीडभाड हुने स्थानमा निगरानी गर्ने र शंकास्पद गतिविधि पहिचान गरी सम्भावित आपराधिक क्रियाकलाप नियन्त्रणमा सहयोग गर्नेछन्।
सुरक्षा व्यवस्थालाई प्रभावकारी बनाउन प्रहरीले नियमित गस्तीका साथै ड्रोन क्यामेरा, सामाजिक सञ्जाल, सामुदायिक सेवा केन्द्र तथा तालिमप्राप्त कुकुरको समेत प्रयोग गरेको जनाएको छ।
चाडपर्वका समयमा किनमेल गर्ने, घर फर्किने र आफन्तकहाँ जाने नागरिकको चहलपहल बढ्ने भएकाले चोरी, पाकेटमारी तथा ठगीजस्ता घटना हुन नदिन विशेष सतर्कता अपनाइएको प्रहरीले जनाएको छ।
काठमाडौं उपत्यकाका १४ वटा सेक्टरलाई लक्षित गरी लागू गरिएको सुरक्षा योजनाअन्तर्गत सम्बन्धित प्रहरी वृत्तका प्रमुखलाई जिम्मेवारी दिइएको छ। आवश्यकताअनुसार तत्काल प्रहरी परिचालन गर्ने तथा सुरक्षा अवस्थाको नियमित अनुगमन गर्ने व्यवस्था मिलाइएको छ।
यसैबीच, प्रहरीले सर्वसाधारणलाई आफ्नो घर तथा सम्पत्तिको सुरक्षामा ध्यान दिन र कुनै शंकास्पद गतिविधि देखिएमा नजिकको प्रहरी कार्यालयमा जानकारी गराउन आग्रह गरेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
