- मंगलवार, कार्तिक १८ गते २०८३
TRENDING
चितवन। चितवनको कालिका नगरपालिका–५ स्थित वडा कार्यालय चोकमा ट्याक्टर र बलेरो आपसमा ठोक्किँदा एक जनाको मृत्यु भएको छ भने १० जना घाइते भएका छन्।
आज दिउँसो करिब साढे १ बजे मचौली टोलबाट लंकालाईनतर्फ जाँदै गरेको ना ६ त ६४४४ नम्बरको ट्याक्टर र कामिनी घाटबाट बनकट्टातर्फ जाँदै गरेको बा.प्र.३–०१–०२४ च ३४७३ नम्बरको बलेरो आपसमा ठोक्किएका हुन्।
दुर्घटनामा बलेरोमा सवार ११ जना घाइते भएका थिए। उनीहरूलाई उपचारका लागि पुरानो मेडिकल कलेज भरतपुर पठाइएकोमा कालिका नगरपालिका–३ की ३५ वर्षीया लक्ष्मी परियारको उपचारका क्रममा दिउँसो २ः३९ बजे मृत्यु भएको हो।
दुर्घटनामा बलेरो चालक कालिका–३ का ३९ वर्षीय कोमल बहादुर श्रेष्ठसहित सोही वडाका सावित्री माझी, कविता परियार, मैया कुमारी लोप्चन, जुनी सुनार, उमा वाईवा, पवित्रा वि.क., लाल कुमारी गुम्वा र सितामाया श्रेष्ठ घाइते भएका छन्। यस्तै, कालिका–७ की २६ वर्षीया उमा श्रेष्ठ पनि घाइते भएकी छन्।
घाइते सबैको अवस्था मध्यम रहेको र पुरानो मेडिकल कलेजमै उपचार भइरहेको प्रहरीले जनाएको छ।
प्रहरीले ट्याक्टर, बलेरो र ट्याक्टर चालक कालिका–१ का ४२ वर्षीय बिके श्याङ्वोलाई नियन्त्रणमा लिई घटनाबारे थप अनुसन्धान गरिरहेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
