- शुक्रवार, आश्विन २ गते २०८३
TRENDING
भेनेजुएलामा बुधबार राति लगातार दुईवटा शक्तिशाली भूकम्प गएका छन् । भूकम्पका कारण राजधानी काराकासका केही भवनहरूमा क्षति पुगेको छ । ठूलो मानवीय क्षति हुन सक्ने आशंका गरिएको छ ।
अमेरिकी भूगर्भ सर्वेक्षण (यूएसजीएस) का अनुसार पहिलो भूकम्प ७.२ म्याग्निच्युडको थियो । यो काराकासबाट करिब २८४ किलोमिटर पश्चिममा रहेको सान फेलिपे नजिक गएको थियो। त्यसको केही समयपछि युमारे क्षेत्रमा ७.५ म्याग्निच्युडको अर्को शक्तिशाली भूकम्प गएको थियो ।
यूएसजीएसले प्रारम्भिक अनुमानमा भूकम्पबाट धेरै मानिस प्रभावित हुन सक्ने र ठूलो भौतिक क्षति भएको हुन सक्ने जनाएको छ ।
भूकम्पपछि डराएका मानिसहरू परिवार र घरपालुवा जनावर लिएर घरबाहिर निस्किएका छन् । धेरै ठाउँमा मानिसहरू सडकमा जम्मा भएका छन् ।
आन्तरिक मामिला मन्त्री डियोस्डाडो काबेलोका अनुसार काराकाससहित अन्य राज्यहरूमा पनि भूकम्पको धक्का महसुस गरिएको छ । विशेषगरी काराकासको अल्टामिरा क्षेत्रमा घर तथा भवनहरूमा क्षति पुगेको छ र केही मानिस घाइते भएको संकेत मिलेको छ ।
उद्धार टोलीहरूले प्रभावित क्षेत्रमा खोज तथा राहत कार्य जारी राखेका छन् । क्षतिको वास्तविक विवरण आउन अझै केही समय लाग्ने बताइएको छ ।
यसअघि पोर्टो रिको र भर्जिन आइल्यान्डका लागि जारी गरिएको सुनामी चेतावनी भने पछि रद्द गरिएको छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
