- मंगलवार, कार्तिक १८ गते २०८३
TRENDING
इच्छाकामना (चितवन), साउन १७ । चितवनको इच्छाकामना गाउँपालिका–२ मा अवस्थित ऐतिहासिक गुरुङ बस्ती घुर्केश पछिल्लो समय आन्तरिक पर्यटकको प्रमुख गन्तव्य बन्न थालेको छ। परम्परागत शैलीमा बनेका घर, स्वच्छ वातावरण, शीतल हावा र स्थानीय संस्कृतिले भरिपूर्ण यो बस्तीमा दैनिकजसो पर्यटकहरूको भीड देखिन थालेको छ।
गाउँपालिकाको सहयोगमा संचालनमा आएका १४ वटा होमस्टे अहिले पूर्ण रुपमा सञ्चालनमा छन्। पछिल्लो शुक्रबार मात्र सबै होमस्टे पाहुनाले भरिएका थिए। स्थानीय बासिन्दा संगम गुरुङका अनुसार विशेषगरी शनिबार र सार्वजनिक विदाका दिनहरूमा यहाँ आन्तरिक पर्यटकको आगमन अत्यधिक हुने गरेको छ।
गर्मी मौसममा यहाँको शान्त र शीतल वातावरणमा विश्राम गर्न आउनेको संख्या उल्लेखनीय छ। साथै, यहाँका स्थानीय गुरुङ परिकार, मौलिक आतिथ्यता र संस्कृति पनि पर्यटकलाई आकर्षित गर्ने प्रमुख पक्ष हुन्।
घुर्केश आउने अधिकांश पर्यटकहरू ऐतिहासिक उपर्दाङगढी, मायाटार, पाथिभरा र सिंहदेवी बालगौरी मन्दिर जस्ता नजिकैका धार्मिक तथा सांस्कृतिक गन्तव्य अवलोकनका लागि आउने गरेका छन्। ती पर्यटकहरू घुमघामपछि बसोबासको लागि यहीँका होमस्टे रोज्ने गरेका छन्।
पर्यटन प्रवर्द्धनका लागि गाउँपालिकाले होमस्टे सञ्चालनकर्ताहरूलाई आवश्यक सामग्री, तालिम तथा अवलोकन भ्रमणको अवसर पनि प्रदान गरेको छ। यसले गाउँको आर्थिक विकासमा पनि सकारात्मक प्रभाव पारेको स्थानीयको भनाइ छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
