मेघौलीमा अन्तरबिद्यालय दौड प्रतियोगिता सम्पन्न

इच्छाकामना न्युज

१६, फाल्गुण २०७७

मेघौलीमा अन्तरबिद्यालय दौड प्रतियोगिता सम्पन्न

चितवन, १६ फागुन। पश्चिम चितवन मेघौलीमा प्याब्सन क्षेत्रिय समिति स्कोबले अन्तरबिद्यालय दौड प्रतियोगिता सम्पन्न गरेको छ । प्रतियोगितामा बिजय को-अपरेटिभ इङलीस बोर्डिङ स्कुल प्रथम ,ब्राइट फ्युचर इङलीस बोर्डिङ स्कुल दोस्रो र ब्लीउ बड र पिसील्याण्ड इङलीस बोर्डिङ स्कुल तेस्रो हुन सफल भएका छन् । उक्त दौड खेल प्रतियोगिता मेघौलीको खेलमैदानमा गरिएको हो ।

जसमा २१ वटा बिद्यालयहरुको सहभागिता रहेको थियो । कार्यक्रम अन्र्तगत लामो तथा छोटो दूरीको दौड साथै रिले दौड गरी ८ वटा इभेन्टमा खेल सञ्चालन गरिएको हो । जसमा प्रतिस्पर्धी बिद्यार्थीहरुबाट एक व्यक्तिले २ वटा इभेन्टमा सहभागी हुनपाउने व्यबस्था रहेको थियो । भरतपुर २७ र २८ मा सञ्चालित खेल प्रतियोगिता मा मिलिजुली मा वि ,पारामाउन्ट मा वि,ब्राइट फ्युचर मा वि,अलमाइटी एकेडेमी र नमूना मा वि संस्थागत बिद्यालयहरुको संयुक्त संयोजनमा खेल सञ्चालन गरिएको हो ।

प्रतियोगितामा विद्यार्थीको सहभागिताको उत्साहले हामीमा थप उर्जा मिलेको कार्यक्रमका सभापति तथा पश्चिम चितवन प्याब्सन क्षेत्रिय समितिका अध्यक्ष हर्कबहादुर चापागाईले बताए । दौड खेल प्रतियोगितामा बिजयी भएका सम्पूर्ण बिद्यार्थी खेलाडीहरुमा आउँदा दिनमा अझ प्रगति तथा सफलताको कामना गर्दै शुभकामना व्यक्त गर्नुभयो ।