- बिहिवार, कार्तिक १३ गते २०८३
TRENDING
मुग्लिन । पृथ्वी राजमार्गको मुग्लिन - नौबिसे खण्ड पुस ७ गते आइतबारदेखि एक साता आंशिक बन्द हुने भएको छ।
जिल्ला ट्राफिक प्रहरी कार्यालय धादिङले दिएको जानकारी अनुसार नौबिसे मुग्लिन खण्डको पोखरी भिर र विशालटारमा चट्टान काटी मोड सुधार गर्नुपर्ने भएकोले जिल्ला सुरक्षा समिति धादिङको मिति २०८१ पुस ३ को निर्णय अनुसार पुस ७ गते आइतबार देखि १३ गतेसम्म दिउँसो ११:०० बजेदेखि २:०० बजेसम्म दैनिक ३ घण्टा सवारी सञ्चालनमा रोक लगाइने भएको छ।
दुई स्थानमा काम गर्ने भएकोले नौबिसेबाट गजुरी छिर्ने ठूला सवारी साधनहरू गल्छी बैरेनी र साना सवारी साधनहरु जरेखेत तथा मलेखुबाट नौबिसे छिर्ने ठूला सवारी साधनहरू चालिसे र हलुका सवारी साधनहरू घाटबेसीमा रोकिने भएको छ।
त्यसैगरी, मुग्लिन बाट मलेखु छिर्न ठूला सवारी साधनहरू मझिमटार र हलुका सवारी साधनहरू चरौदी बजार तथा मलेखुबाट मुग्लिनतर्फ छिर्ने भारी सवारी साधनहरु बेनीघाट बजार र हलुका सवारी साधनहरु विशालटारमा रोकिने भएको छ।
सो रोकिएको समयमा सवारी साधन रोक्दा र सवारी चलाउँदा कडाईका साथ आफ्नो लेन अनुशासन कायम राख्न पनि जिल्ला ट्राफिक कार्यालय धादिङले अनुरोध गरेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
