कुरिनटार । चितवनको इच्छाकामना ४ का वडाध्यक्ष रुद्रप्रसाद उप्रेतीले विद्यार्थीहरुसँग जन्मदिन मनाएका छन्। श्री बकुल्लहरी राष्ट्रिय आधारभूत विद्यालय लेवाटारका विद्यार्थीहरुसँग जन्म दिन मनाएका हुन् ।  जन्मदिनको अवसरमा वडाध्यक्ष उप्रेतीले ३६ जना विद्यार्थीहरुका लागि शैक्षिक सामाग्री समेत सहयोग गरेका  छन् । कापी,कलम ,पेन्सिल,इरेजर र कटर वितरण गरेका हुन् । वडाध्यक्ष उप्रेतीले आफुले शैक्षिक गुणस्तरमा सहयोग पु¥याउने उदेश्यले शैक्षिक सामाग्री सहयोग गरेको बताए । आफुले विगतका बर्षहरुमा पनि जन्मदिनको अवसरमा विभिन्न विद्यालयहरुमा शैक्षिक सामाग्री वितरण गर्दै आएको बताए ।जन्मदिनमा विद्यार्थीहरुलाई शैक्षिक सामाग्री सहयोग गरि विद्यालयमा जन्मदिन मनाउने नियमित प्रकृया जस्तै भएको बताए । कार्यक्रममा गाउँपालिका अध्यक्ष दान बहादुर गुरुङले वडाध्यक्ष उप्रेतीले यस अघि पनि थुप्रै सामाजिक कार्यहरु गर्दे आएको बताए । जन्मदिनमा फजुल खर्च भन्दा पनि साना नानी बाबुहरुलाई शैक्षिक समाग्रीहरु वितरण गरेर जन्मदिन मनाउने उत्कृष्ट  कार्य भएको बताए ।अन्यत्र हुने खर्चलाई विद्यार्थीहरुलाई शैक्षिक सामाग्री उपलब्ध गराउनु महत्वपूर्ण भएको भन्दै यसबाट सबैलाई प्रेरणा मिल्ने बताए । विद्यालयकी प्रधानाध्यापक सीता सिलवालले पनि वडाध्यक्ष उप्रेतीले जन्मदिनमा अन्यत्र हुने खर्चलाई कटौती गरेर विद्यार्थीहरुलाई  शैक्षिक सामाग्री सहयोग गरेकोमा धन्यवाद दिइन् ।   कार्यक्रममा विद्यालय व्यवस्थापन समितिका अध्यक्ष, लेवाटार टोलविकास संस्थाका अध्यक्ष, नेकपा एमालेका वागमती प्रदेश कमिटी सदस्य प्रकाश अधिकारी,शर्वशान्ति माध्यमिक विद्यालयका व्यवस्थापन समिति अध्यक्ष बलराम सिलवाल लगायतको उपस्थिति रहेका थिए ।   वडाध्यक्ष उप्रेतीले शैक्षिक समाग्रीका वितरणका साथै केक काटेर जन्मदिन मनाएका हुन् ।