इच्छाकामनाकी सुप्रिका गुरुङले फेरी जितिन् तोक्वान्दोमा स्वर्ण पदक

इच्छाकामना न्युज

८, पौष २०८०

इच्छाकामनाकी सुप्रिका गुरुङले फेरी जितिन् तोक्वान्दोमा स्वर्ण पदक

मुग्लिन । चितवनको इच्छाकामना गाउँपालिका मुग्लिन निवासी तेक्वान्दो खेलाडी सुप्रिका गुरुङले तोक्वान्दो प्रतियोगितामा एकपछि अर्को स्वर्ण पदक जितेकी छिन् । केहि महिना अघि मात्रै नेपालस्थित दक्षिण कोरियाली दूतावास र नेपाल तेक्वान्दो संघको संयुक्त आयोजनामा भएको ११ औं कोरियन एम्बेसडर खुल्ला अन्तर्राष्ट्रिय तेक्वान्दो प्रतियोगिताको महिला सिनियर ७३ केजीभन्दा माथी समूहमा स्वर्ण पदक जितेकी उनले फेरि अर्को राष्ट्रिय प्रतियोगितामा स्वर्ण पदक जितेकी छिन् ।

सुप्रिकाले पुस ७ र ८ गते चितवनमा भएको तेस्रो एभरेष्ट राष्ट्रिय खुल्ला तोक्वान्दो च्याम्पियनशीप प्रतियोगितामा स्वर्ण पदक जितेकी हुन् । उनले प्रतियोगिताको क्वाटर फाईनलमा नेपाल आरमि का खेलाडी प्राप्ती सिंह कार्की र सेमि फाईनलमा न्यू कुमरोज डोजाङ का खेलाडी ईशा गुरूङ लाई हराएर स्वर्ण पदक जितेकी हुन् । उनले प्रतियोगितामा ७३ के.जि. महिला समुहमा दिलिप स्मृती तेक्वान्दो डोजाङ काठमाडौंबाट सहभागी भएको उनका बुवा किशोर गुरुङले जानकारी दिए ।

सानै उमेरमा विभिन्न राष्ट्रिय अन्तराष्ट्रिय तोक्वान्दो प्रतियोगितामा सहभागी हुदै सुप्रिकाले दर्जनौ पटक पदक जित्नुका साथै अन्य पदकहरु समेत जितिसकेका छन् ।