इच्छाकामनाको याकराङ गाउँमा स्वर्गीय सानु सुमन स्मृति कप फुटबल प्रतियोगिता सुरु, पहिलो दिन ५ खेल

इच्छाकामना न्युज

२९, आश्विन २०८०

इच्छाकामनाको याकराङ गाउँमा स्वर्गीय सानु सुमन स्मृति कप फुटबल प्रतियोगिता सुरु, पहिलो दिन ५ खेल

जलबिरे । चितवनको इच्छाकामना गाउँपालिका वडा नं. ६ स्थित याकराङ गाउँमा फुटबल प्रतियोगिता सुरु भएको छ । सिद्धिविनायक युवा क्लव याकराङको आयोजनामा स्वर्गीय सानु सुमन स्मृति कप फुटबल प्रतियोगिता–२०८० आजदेखि सुरु भएको हो ।

क्लवका अध्यक्ष टक बहादुर गुरुङको सभापतित्वमा भएको प्रतियोगिताको समुद्घाटन समारोहमा प्रमुख अतिथि इच्छाकामना गाउँपालिका अध्यक्ष दान बहादुर गुरुङले खेलाडीहरुलाई बल हस्तान्तरण गरी प्रतियोगिताको उद्घाटन गर्नुभयो ।

प्रतियोगिताको सुरु भएको पहिलो दिन आईतबार ५ खेल खेलाईएको थियो । जसमा पहिलो खेल ईच्छाकामना गाँउपालिका र सिद्धिविनायक यूवा क्लब याकराङ बिच भएको थियो । उक्त खेलमा इच्छाकामना गाउँपालिका ४–० गोल अन्तरले विजयी भएको छ ।

यस्तै प्रतियोगिताको दोस्रो खेलमा आदर्श यूवा क्लबले मनकामना यूवा क्लब पाङ्गडेलाई ४–०, तेस्रो खेलमा मुग्लिन ११ले बेनीघाट रोराङलाई ३–०, चौथो खेलमा न्यू स्टार क्दज देविटारले योङ्ग स्टार क्लव मनकामनालाई १–२ र पाँचौ खेलमा सिद्धिविनायक यूवा क्लबले किटस्वरा एफसीलाई १–० गोल अन्तरले हराउदै विजयी सुरुवात गरेको छ ।

प्रतियोगीतामा ३२ टिम सहभागी रहेको क्लवले जानकारी दिएको छ ।

प्रतियोगितामा विजेता टिमले नगद ३० हजार, प्रमाणपत्र, कप, र मेडल पाउनेछ भने उपविजेता टिमले नगद २० हजार, मेडल र प्रमाणपत्र पाउनेछ । साथै खेलमा उत्कृष्ट खेलाडीलाई पनि पुरस्कारको व्यवस्था गरिएको आयोजकले जानकारी दिएको छ ।