चितवन । भरतपुर महानगरपालिमा एकीकृत सहरी पूर्वाधार विकास कार्यक्रमअन्तरगतका दुई वटा सडकको शिलान्यास गरिएको छ। भरतपुर–९ स्थित काँडाघारी र भरतपुर–२५ स्थित किसान चोकमा बुधबार महानगर प्रमुख रेनु दाहालले सडकको शिलान्यास गरेकी हुन्। 

एकीकृत सहरी पूर्वाधार योजनाअन्र्तरगत दोस्रो प्याकेजका रुपमा भरतपुर महानगरपालिकामा सडक निर्माणका साथै बसपार्क निर्माणका लागि योजना ल्याइएको महानगरपालिकाले जनाएको छ। अघिल्लो वर्ष सघन सहरी तथा भवन निर्माण आयोजनाबाट भरतपुरमा दुई अर्बका योजना सुरु भएका थिए। 

यी आयोजना सम्पन्नको चरणमा रहेको महानगर प्रमुख दाहालले बताइन्। यसवर्ष स्मार्ट सिटी आयोजनाअन्तर्गत भरतपुरमा ११ वटा प्याकेजमा ४१ करोडका आयोजना सुरु भएको उनले बताइन्। नगर प्रमुख दाहालले दोस्रो प्याकेजका रुपमा शिलान्यास भएका योजनाहरु समयमै समपन्न गर्न निर्माण कम्पनीलाई आग्रहसमेत गरेकी छन्। 

उनका अनुसार समयमा काम नसक्ने १४ वटा कम्पनीलाई कारबाही गरसिकएिको छ। एकीकृत सहरी पूर्वाधार निर्माण आयोजना अन्तगतका सबै योजना संघन सहरी तथा भवन निर्माण आयोजनाले एउटै कम्पनीलाई ४१ करोड १९ लाख रुपैयाँमा ठेक्का दिएको छ। 

आयोजनाका लेखा अधिकृत ओमबहादुर खड्काका अनुसार भरतपुरको महालक्ष्मी, ओम सत्य साई जेभीसँग फागुन १० गते ठेक्का सम्झौता गरिएको हो। यी योजनाको म्याद २०८१ भदौ ९ गतेसम्म रहेको उनले बताए। योजनाअन्तर्गत १८ किलोमिटर सडक कालोपत्रे हुनेछ। 

सघन सहरी तथा भवन निर्माण आयोजना चितवनमार्फत देवघाटमा बसपार्क, नारायणी नदी किनारमा सी बिच, नारायणी नदी किनारमै आरती भवन र भरतपुरका ९ वटा सडक निर्माणको ठेक्का सम्झौता भएको छ। 

काँडाघारीदेखि वडा नम्बर ८ सम्मको सडक निर्माणका लागि २ करोड १९ लाख रुपैयाँ बजेट विनियोजन गरिएको छ। त्यस्तै किसानचोकदेखि विकासचोक हुँदै बेतली खोलाको पुलसम्मको साढे ५ किलोमिटर सडक पिच गर्नका लागि १० करोड ८६ लाख रुपैयाँ बजेट विनियोजन गरिएको छ।