- शुक्रवार, कार्तिक १४ गते २०८३
TRENDING
जलविरे । चितवनको इच्छाकामना गाउँपालिका अध्यक्ष दान बहादुर गुरुङलाई वडा नं. ६ मा रहेको राष्टिय आधारभुत विद्यालय पैरेनीले विदाई तथा सम्मान गरेको छ । गुरुङले करिब २६ वर्ष शिक्षण गरेको उक्त विद्यालयले आज एक कार्यक्रमको आयोजना गरि विद्यालयका पूर्व प्रध्यानाध्यापक गाउँपालिकाका नवनिर्वाचित अध्यक्ष दान बहादुर गुरुङलाई विदाइ गरेको हो।
वैशाखमा सम्पन्न दोस्रो स्थानीय तह निर्वाचनमा अध्यक्षमा निर्वाचित भएका गुरुङले २०५२ सालदेखि वडा नं. ६ मा रहेको राष्टिय आधारभुत विद्यालय पैरेनीमा प्रध्यानाध्यापक रही पठन पाठन गरिरहेका थिए। उनले पेन्शन निस्कन ४ वर्ष बाँकी छदै गत फागुनमा राजिनामा दिई दोस्रो स्थानीय तह निर्वाचनमा नेकपा एमालेबाट अध्यक्ष पदमा उम्मेद्वारी दिएर लडेका थिए।
सोही निर्वाचनमा गाउँपालिका अध्यक्षमा निर्वाचित भएको करिब ६ महिना पछि विद्यालयले एक कार्यक्रमको आयोजना गरि विद्यालयको तर्फबाट बधाई तथा सम्मान गरिनुका साथै उनको विदाई गरिएको विद्यालयका प्रध्यानाध्यापक देव कुमार गुरुङले जानकारी दिए।
विद्यालय व्यवस्थापन समितिका अध्यक्ष सुरज लम्सालको सभापतित्वमा सम्पन्न कार्यक्रममा विद्यालयका संस्थापक अध्यक्ष रमेश कुमार गुरुङले कार्यक्रमका प्रमुख अतिथि समेत रहेका गाउँपालिका अध्यक्ष दान बहादुर गुरुङलाई दोसल्ला ओढाएर सम्मान गरिएको थियो ।
कार्यक्रममा विशिष्ट अतिथिको रुपमा इच्छाकामना गाउँपालिका उपाध्यक्ष माया सिलवाल, अतिथिको रुपमा वडा नं. ६ का वडाध्यक्ष लक्ष्मण चेपाङ, वडासदस्य पार्वती गुरुङ लगायतको उपस्थिति रहेको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
