मुग्लिन । गोरखाको शहिद लखन गाउँपालिका ३ मा पर्ने त्रिवेणी भगवती माईको मन्दिरमा श्रीमद् भागवद जीवन दर्शन कथा वाचन हुने भएको छ। हरिवोधनी एकादशीको अवसरमा हरेक वर्ष लाग्ने त्रिवेणी मेलाको पूर्वसन्ध्यामा यस वर्ष श्रीमद् भागवद जीवन दर्शन कथा वाचन कार्यक्रम गर्न लागिएको हो।

भोली देखि सुरु हुने कथा वाचनको पहिलो दिन कलश यात्रा सहित त्रिशुली नदीको जल ल्याएर त्रिवेणी भगवती माईको मन्दिरमा चढाएर समुद्घाटन हुने  हरिबोधनी एकादशी त्रिबेणि मेला महोत्सव एवं तुलसी बिबाह श्रीमद भागवत जीवन दर्शन कथा सत्सङ्ग मुल आयोजक समितिका संयोजक सुर्य गुरुङले जानकारी दिए। उनका अनुसार समुद्घाटन गोरखाको प्रसिद्ध मनकामना माईको मूल पूजारी इन्सान थापाको बाहुलीबाट हुनेछ । 

यस्तै ‘हामीले नगरे कस्ले गर्ने,अहिले नगरे कहिले गर्ने, दान गरौ, पुन्य कमाऔ’ भन्ने मूल नाराका साथ संचालन हुने कथा वाचन कार्यक्रममा सत्सङ्ग प्रखर प्रबक्ता श्री राधिका दासीले कथा वाचन गर्ने उनले बताए। 

उनका अनुसार कथा वाचन कार्यक्रम यहि कार्तिक १२ गतेबाट १८ गतेसम्म एकसाता चल्नेछ भने कथा वाचनको समापन पश्चात सोहि दिन बेलुका त्रिवेणी मेला लाग्नेछ । त्रिवेणी भगवती मन्दिरको जिर्णोद्वार सहयोगार्थ कथा वाचन गर्न लागिएको पनि उनले बताए।

यसैगरी मेलाको अवसरमा कालिका युवा क्लव निभारेको आयोजनामा १८ गते साँझ विविद्य साँस्कृतिक कार्यक्रम गरिनेछ । 

मेलामा कार्तिक १२ गतेदेखि विभिन्न व्यावसायिक स्टलहरु राख्न सुरु गरिनेछ भने स्थानीय कृषि उत्पादन लगायत विभिन्न प्रकारको उपजहरुको बिक्रीको लागि पनि स्टलको व्यवस्था गरिएको आयोजकले जानकारी दिएको छ।