सङ्घ र प्रदेशको निर्वाचनमा युवा पुस्ताको आकर्षण बढ्दै

इच्छाकामना न्युज

२८, भाद्र २०७९

सङ्घ र प्रदेशको निर्वाचनमा युवा पुस्ताको आकर्षण बढ्दै

पवित्रा पराजुली, नवलपरासी । आगामी मङ्सिर ४ मा सङ्घ र प्रदेशको निवार्चन हुने भएपछि युवा पुस्तामा भने नेतृत्वमा पुग्ने र पु¥याउने बारेमा बहस सुरु भएको छ । चुनाव केन्द्रीत चहलपहल केन्द्र, प्रदेशदेखि गाउँस्तरमै बढेको छ । तर आगामी निर्वाचनका लागि युवा पुस्ताले स्वतन्त्र उम्मेदवारी घोषणा गर्ने र त्यसैअनुसारको प्रचारप्रसारमा लाग्ने अभ्यास जिल्लास्तरमा पनि भइरहेको छ ।

युवाको समस्या पहिचान गर्नसक्ने र देशमा रोजगारीका अवसर सिर्जना गर्नसक्ने उम्मेदवार अब आउनुपर्ने चितवनको भरतपुर महानगरपालिका वडा नम्बर ६ का प्रभात पौडेलले बताउनुभयो ।

स्थानीय तहको निर्वाचनमा स्वतन्त्र उम्मेदवारी दिएकाले जित हासिल गरेपछि अहिले पनि युवामा भरोसा खोज्ने बढेका छन् । युवाको सिप र आवश्यकता अनुसार उनीहरूलाई परिचालन गर्न सक्ने योजना भएको उमेदवारलाई भोट हाल्ने हुप्सेकोट गाउँपालिकावडा नम्बर ३ का पार्वती पाण्डेले बताउनुभयो ।

४० वर्ष उम्मेर समूहकालाई युवा मान्ने अभ्यास अहिले नेपालमा छ । तर त्रिभुवन विश्व विद्यालयका एकजना उपप्राध्यापक वाइपी आचार्य युवा नेतृत्व उमेरभन्दा पनि एजेन्डामा खोज्नुपर्ने बताउँनुहुन्छ ।पुरानै पुस्ताका व्यक्ति सत्ता र शासनमा दोहरिँदै आएका कारण मतदाताहरूमा नयाँ व्यक्तिप्रतिको आशा भरोसा बढेको देखिन्छ ।