- शुक्रवार, कार्तिक १४ गते २०८३
TRENDING
कुरिनटार । चितवनको इच्छाकामना गाउँपालिकामा अवैध रुपमा नियुक्त भएका स्रोत व्यक्ति भविश्वर गुरुङले काज फिर्ता भएर फिस्लिङ निमाविमा पुर्नवहाली भएको ३ महिना वितिसक्दा पनि अझै ल्यापटप फिर्ता नगरेको पाइएको छ । निमावि फिस्लिङमा निमावि शिक्षकको रुपमा कार्यरत गुरुङलाई अघिल्लो स्थानीय सरकारले नियम विपरित शिक्षक नियमावलीमै नभएको स्रोतव्यक्ति पदमा काजमा रहने गरी गाउँपालिकामा तानेर जिम्मेवारी दिएको थियो।
उनै अवैध स्रोतव्यक्ति गुरुङलाई गाउँपालिकामा नयाँ सरकार आएसँगै असार २३ गतेको कार्यपालिका बैठकले उक्त जिम्मेवारीबाट हटाएर विद्यालयमै काज फिर्ता पठाएको थियो। शिक्षक गुरुङ काजफिर्ता भएको ३ महिना वितिसक्दा पनि तात्कालिन समयमा उनले प्रयोग गरिरहेको गाउँपालिकाको ल्यापटप नबुझाएको पाईएको हो। गाउँपालिकाले गुरुङलाई पटक–पटक सामान फिर्ता गर्नको लागि पत्राचार गरेको भएपनि उनले अहिलेसम्म सामान नबुझाएको गाउँपालिकाका प्रमुख प्रशासकीय अधिकृत शालिकराम बस्यालले जानकारी दिएको छ ।
यस विषयमा शिक्षक भविश्वर गुरुङसँग कुराकानी गर्दा आफुले भदौ महिना भित्र सामान बुझाउने मौखिक जानकारी गरेको उनले बताए।
तात्कालिन समयमा पनि अवैध रुपमा शिक्षक गुरुङलाई गाउँपालिकाले स्रोत व्यक्ती नियुक्ति गरेको भन्दै अख्तियारले गाउँपालिकालाई पत्र काटेरै स्पष्टीकरण सोधेको थियो। तर उक्त पत्रको जवाफ अख्तियारलाई नदिइ गाउँपालिकाका जिम्मेवार पदाधिकारीले पत्र नै गाएब बनाएको चर्चा एकताका गाउँपालिकामा खुब चलेको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
