मौसम

प्रदेश १ का एक–दुई स्थानमा भारी वर्षाको सम्भावना

इच्छाकामना न्युज

२३, श्रावण २०७९

प्रदेश १ का एक–दुई स्थानमा भारी वर्षाको सम्भावना

काठमाण्डौ । आज देशभर मौसम बदली रहने भएको छ । जल तथा मौसम विज्ञान विभाग अन्तर्गतको मौसम पूर्वानुमान महाशाखाले हाल मनसुनको न्यून चापीय रेखा सरदर स्थानभन्दा दक्षिणमा अवस्थित रहेको हुँदा सामान्यतया मौसम बदली रहने बताएको छ।

महाशाखाका अनुसार आज बिहानैदेखि प्रदेश १, गण्डकी प्रदेश, कर्णाली प्रदेश र सुदुरपश्चिम प्रदेशमा सामान्य बदली रही देशका बाँकी भूभागमा आंशिक बदली देखिएको छ भने कर्णाली प्रदेशका थोरै स्थानहरूमा हल्का वर्षा भइरहेको छ। महाशाखाले आज दिउँसोदेशभर आंशिकदेखि सामान्य बदली रहने बताएको छ।

देशका पहाडी भू–भागका केही र बाँकी भू–भागका थोरै स्थानहरूमा मेघ गर्जन÷चट्याङ्गसहित हल्कादेखि मध्यम वर्षाको सम्भावना रहेको र प्रदेश १ का एक–दुई स्थानमा भारी वर्षाको सम्भावना रहेको महाशाखाले जनाएको छ। आज राति देशको पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदली रहनेछ।

प्रदेश १ र बागमती प्रदेशका केही तथा बाँकी भू–भागका थोरै स्थानहरूमा मेघ गर्जन÷चट्याङ्गसहित हल्कादेखि मध्यम वर्षाको सम्भावना रहेको छ । प्रदेश १ र बागमती प्रदेशका का एक–दुई स्थानमा भारी वर्षाको सम्भावना रहेको महाशाखाले जनाएको छ।

महाशाखाले देशका पहाडी भू–भागका केही र बाँकी भू–भागका थोरै स्थानहरूमा मेघ गर्जन÷चट्याङ्गसहित हल्कादेखि मध्यम वर्षा हुने भएकाले सतर्कता अपनाउन आग्रह गरेको छ।