- आइतवार, कार्तिक २३ गते २०८३
TRENDING
काठमाण्डौ । संसद्मा दर्ता भएको ५ महिनापछि प्रधानन्यायाधीश चोलेन्द्रशम्शेर जबराविरुद्धको महाभियोगको प्रस्ताव आज संसदमा पेश हुने भएको छ । बिहान ११ बजेका लागि बोलाइएको प्रतिनिधिसभाको बैठकमा प्रधानन्यायाधीश जबरामाथिको महाभियोगको प्रस्तावबारे छलफल गर्ने कार्यसूची रहेको छ ।
गत फागुन २९ गते नेकपा माओवादी केन्द्रका प्रमुख सचेतक देवप्रसाद गुरुङको नेतृत्वमा नेपाली काँग्रेस, एकीकृत समाजवादी पार्टीलगायत दलका सांसदहरूले प्रतिनिधि सभा नियमावली, २०७५ को नियम १ सय ६१ को उपनियम (१) बमोजिम प्रधान न्यायाधीश जबराविरुद्ध महाभियोगप्रस्ताव दर्ता गराएका थिए ।
प्रतिनिधि सभाको बैठकमा छलफल सकिएपछि महाअभियोग सिफारिस समितिमा पठाइने र समितिले तीन महिनाभित्रमा दिने प्रतिवेदनका आधारमा निर्णय हुने संसद सचिवालयका सह प्रवक्ता दशरथ धमलाले सीआईएनसँग बताउनुभयो ।
जबराविरुद्धको महाअभियोग प्रस्ताव दर्ता गर्दा परामर्श नगरेको भन्दै प्रमुख प्रतिपक्षी नेकपा एमालेले विरोध जनाउँदै उक्त प्रस्ताव अघि बढाउन माग गर्दै आएको थियो ।
सीआईएनसँग कुराकानी गर्दै एमाले संसदीय दलका उपनेता सुवासचन्द्र नेम्वाङले संसदबाट प्रस्ताव अघि बढेपछि कसरी प्रस्तुत हुने भन्ने बारेमा निर्णय लिइने बताउनुभयो । महाअभियोग प्रस्तावको बारेमा संसदले निर्णय लिने अवस्था आएमा दुई तिहाइ बहुमत आवश्यक हुन्छ । महाभियोग दर्ता भएपछि जबरा निलम्बनमा पर्नुभएको छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
