- आइतवार, कार्तिक २३ गते २०८३
TRENDING
अविनाश आचार्य, काठमाडौँ । गत आर्थिक वर्ष ३९ हजार तीन सय ७९ सवारी साधन दुर्घटना भएको नेपाल प्रहरीले जनाएको छ । दुर्घटना हुनेमा १९ हजार नौ सय ७४ वटा मोटरसाईकल मात्रै छन् । ती दुर्घटनाबाट दुई हजार आठ सय ८३ जनाको मृत्यु भएको छ ।
दुर्घटनामा परि मृत्यु तथा घाइतेहुनेहरूमा १७ देखी ३५ वर्ष उमेरसमूहका बढी रहेको नेपाल प्रहरीका प्रवक्ता टेक प्रसाद राईले जानकारी दिनुभयो । राईका अनुसार ११ हजार चार सय ७२ वटा दुर्घटनाको कारण तीव्र गति हो ।
एक हजार एक सय ७७ वटा घटना चालकले मादक पदार्थ सेवन गरेका कारण भएका छन् भने ट्राफिक नियम उल्लङ्घनबाट आठ सय ८२ दुर्घटना भएका छन् ।
तथ्याङ्क हेर्दा दुर्घटना हुनुको कारणलाई चालकको लापरवाही मानिए पनि चालकलाई मात्रै जिम्मेवार बनाउन नहुने सडक सुरक्षा विज्ञ आशिष गजुरेलले बताउनुभयो । सडकको अवस्था सुधार, दुर्घटनापछि उद्धार र उपचार समयमै हुन सके धेरैको ज्यान जोगिन सक्ने गजुरेलको भनाइ छ ।
सवारी दुर्घटनाबाट एकै वर्षमा ४५ करोड चार लाख ५१ हजार रुपैयाँ बराबरको भौतिक क्षति भएको छ । चालक संवेदनशील भए मात्रै पनि सडक दुर्घटना आधाले कम गर्न सकिने विज्ञहरू बताउँछन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
