भारत । २० वर्षमुनिको दक्षिण एसियाली च्याम्पियनसिप फुटबलबाट नेपाल बाहिरिएको छ । भारतको भुवनेश्वरस्थित कालिङ्गा रङ्गशालामा साविक विजेता भारतले माल्दिभ्सलाई १–० गोल अन्तरले हराएसँगै नेपाल बाहिरिएको हो ।
जितसँगै भारत प्रतियोगिताको फाइनलमा प्रवेश गरेको छ । अब भारतले उपाधिका लागि बङ्गलादेशसँग प्रतिस्पर्धा गर्नेछ । यसअघि नेपालले हिजो जित्नै पर्ने खेलमा बङ्गलादेशसँग १–१ गोलको बराबरी खेलेको थियो ।