- आइतवार, कार्तिक २३ गते २०८३
TRENDING
मायाटार, १ बैशाख । चितवनको इच्छाकामना गाउँपालिका २ मायाटार पन्थचुलिमा रहेको पाथीभरा सिंहदेवी र बाल गौरी मन्दिरको प्रांगणमा यस बर्ष पनि विविध सांस्कृति कार्यक्रम सहित मेला लाग्ने भएको छ । चितवनको साविक (काउले गाविस) वडा न ८ हाल इच्छाकामना गाउँपालिका वडा न. २ मायाटार स्थित पन्थचुली डाडाँमा रहेको मन्दिरमा विगतका बर्षहरुमा जस्तै यस बर्ष पनि बैशाख २ र ३ गते विशेष पुजाआजा सहित विविध सांस्कृतिक कार्यक्रम हुने भएको हो ।
मेला बैशाख २ गते साँझ देखि ३ गते सम्म दुई दिन लाग्ने मन्दिर संरक्षण समितिले जनाएको छ । हरेको बर्ष चैते दशैं पछिको पूर्णीमाको दिन लाग्ने यस मेलामा चितवन, धादिङ, तनहुँ गोरखा लगायत जिल्लाबाट पुजाआजा गर्न र मेला हेर्न आउने गर्छन् । सन्तान नभएकाहरुले सन्तान मागेमा प्राप्ती हुने धार्मिक विश्वास रहेको छ ।
धार्मिक पर्यटकीय सम्भावना रहे पनि प्रचार प्रसार र भौगोलिक विकटताका कारण पछाडी परेको छ । पछिल्लो समय शक्तिखोर–फिस्लिङ ग्रामिण सडक निर्माण भएपछि सवारी साधनमा मन्दिरसम्म पुग्न सकिन्छ ।
धादिङको मौवाखोला, हुग्दिखोला र चितवनको कालिका नगरपालिका स्थित शक्तिखोरबाट चितवनको पुरानो सदरमुकाम एेतिहासिक उपर्दाङगढी हुदैँ जान सकिन्छ । मेलाको लागि सम्पुर्ण तयारी पूरा भएको मन्दिर संरक्षण समितिका सचिव सुरेस गुरुङले जानकारी दिए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
