गोरखा, २६ चैत। शहिद लखन गाउपालीका वडा ७ बुङकोटले एक कार्यक्रमका विच विभिन्न क्षेत्रका करिव डेढ सय जनालाइ सम्मान तथा कदर पत्र प्रदान गरेको छ । यस आर्थिक वर्षको योजना कार्यक्रम अन्तर्गत सम्मान कार्यक्रम गरेको वडा ७ का वडाध्यक्ष शरण श्रेष्ठले वताएका छन् ।

जनप्रतिनिधीको जिम्बेवारी सम्हाले पश्चात् हाल सम्म वडाको नितिगत निर्णय, समग्र बिकास निर्माण, सामाजिक–आर्थिक बिकास, सुचना–प्रवाह, बिबिध गतिबिधी, कार्यहरुमा सह–कार्य, समन्वय, सहजिकरण, सदभाव र वडाको बिभिन्न कार्यक्रमहरुमा बिशेष सहयोग गर्नुहुने सरकारी कार्यालय, संघसंस्था एवं ब्यक्तिहरुलाई एक कार्यक्रमका माझ कदर–पत्र र सम्मान–पत्र बितरण गरिएको हो।

प्रत्यक्ष–अप्रत्यक्ष रुपमा सहयोग गर्नु हुने सम्पुर्ण ब्यक्तित्व, संघसंस्थाहरुलाई वडाले आभार सहित धन्यबाद पनि प्रकट गरेको छ। विभिन्न राजनितीक दलका ५ जना, वडा ७ मा कार्यरत कर्मचारी ७ जना,बुङकोट स्वास्थ्य चौकीका कर्मचारी ८ जना,वडा भित्रका समुदायीक बिधालयका ब्यवस्थापन समितीका अध्यक्ष ४ जना, सामुदायीक बिधालयका प्र.अ. ४ जना, निजि बिधालय १ जना, शिक्षक १ जना, वडा भित्रका टोल बिकास संस्थाका ३० जना, वडा भित्रका बुदिजिवी, समाजसेवी २५ जना, वडाको बिबिध कार्यक्रम सहयोग गर्नु हुने १८ जना, नेपाल रेडक्रस बुङकोट शाखा १ जना, वडा भित्रका स्वास्थ्य स्वयमसेवीका ५ जना (१ जना निवर्तमान) लाई सम्मान पत्र तथा कदर–पत्र बितरण गरिएको छ।

त्यसैगरी कोभिड १९ आपतकालीन कोषका बुङकोट वाट ९ जना, बुङकोट प्रहरी चौकीका १ जना, खानेपानी तथा सरसफाई उपभोत्ता समिती तर्फ ६ जना, सामुदायीक बन तर्फ ७ जना, सहकारीतर्फ ४ जना, खेलकुद तर्फ ४ जना, वडा भित्रको सबै भन्दा जेष्ठ तर्फ पुरुष १ जना, महिला १ जना, बिधुत प्राबिधिक तर्फ १ जना र सामुदायिक सिकाई केन्द्र तर्फ १ जनालाई सम्मान पत्र तथा कदर–पत्र बितरण गरिएको छ।

सो कार्यक्रममा शहिद लखन गाउंपालिका उपाध्यक्ष ईन्दिरा तिवारी, वडा ७ का अध्यक्ष शरण श्रेष्ठ र स्थानियहरूको वाक्लो उपस्थिति रहेको थियो ।