'नक्कली'मा अमन र प्रियानाको रोमान्स ( भिडियो )

इच्छाकामना न्युज

२०, माघ २०७८

'नक्कली'मा अमन र प्रियानाको रोमान्स ( भिडियो )

चार वर्षकै उमेरमा गीत गाएर नेपाली संगीतमा आफुलाई परिचित बनाउन सफल युवा गायक अमन प्रधान ‘रकस्टार’का रुपमा चिनिन्छन् । उनले ५० भन्दा धेरै राष्ट्रिय तथा अन्तर्राष्ट्रिय स्टेजमा प्रतिभा प्रस्तुत गरिसकेका छन् । १० वर्षको उमेरमा ‘अमन द रकस्टार’ नामक एल्बम सार्वजनिक गरेका गायक प्रधानले हाल सम्म दर्जनौ गीतमा आफ्नो स्वर दिसकेका छन्।

हालै उनको स्वरमा समावेश रोमाण्टिक भर्सनको 'नक्कली' बोलको म्युजिक भिडियो सार्वजनिक भएको छ। यस गीतमा शब्द अस्ट्रेलियामा रहेकी गायिका अबुन पाण्डेको रहेको छ भने संगीत अस्ट्रेलियामा रहेका अर्का चर्चित संगीतकार टिका दाहालको रहेको छ।

यस गीतलाई गायक प्रधानका बुवा राहुल प्रधानले संगीत संयोजन गरेका हुन्। म्युजिक भिडियोमा प्रियाना आचार्य 'मुन्नी' गायक प्रधान बीचको अन्स्क्रिन प्रेम र रोमान्सलाई प्रस्तुत गरिएको छ। बुद्ध थापाले छायाँकन गरेको यस भिडियोलाई विकाश धमलाले सम्पादन गरेका हुन्।

निकेश खड्काको निर्देशनमा भिडियोमा तयार पारिएको हो। हो। कान्तिपुर होलिडेज अस्ट्रेलियाको सहयोग रहेको यस भिडियोलाई गायक प्रधानको आधिकारिक च्यानल 'अमन प्रधान' मार्फत सार्वजनिक गरिएको हो। यसअघि गायक प्रधानको स्वरमा 'साझ बिहानी' , 'बेबी आइ लव यु', 'हेलो' र तस्बिर २ लगायत अन्य थुप्रै गीतहरु सार्वजनिक भैसकेका छन्।