चर्चित पत्रकार एवं विकिलिक्सका संस्थापक जुलियान असान्ज जेलभित्रै विवाह गर्दै

इच्छाकामना न्युज

२६, कार्तिक २०७८

चर्चित पत्रकार एवं विकिलिक्सका संस्थापक जुलियान असान्ज जेलभित्रै विवाह गर्दै

विकिलिक्सका संस्थापक जुलियान असान्जलाई जेलभित्रै विवाह गर्न अनुमति दिइएको छ । असान्जलाई उनकै प्रेमिका स्टेला मोरिससँग बेलायतस्थित बेलमर्स कारागारमा विवाह गर्न अनुमति दिइएको हो ।

असान्जले कारागारका गर्भनरसँग विवाह गर्न अनुमति मागेका थिए । कारागार सेवाका प्रवत्ताले भने, ‘विवाहका लागि असान्जले पेस गरेको निवेदनलाई अन्य कैदीको निवेदनलाई जस्तै जेलका गर्भनरले सामान्य तरिकाले अध्ययन गरेका छन् । ’

लन्डनस्थित इक्वेडरको दूतावासमा रहने क्रममा मोरिससँग असान्जको भेट भएको थियो । उनीहरुको तर्फबाट दुई सन्तान छन् ।

विवाहमा कसैले हस्तक्षेप नगर्ने असान्जकी पार्टनर मोरिस विश्वास गरेकी छिन् । उनले भनिन्, ‘हाम्रो विवाहमा कोहीबाट हस्तक्षेप हुन्न भन्ने मलाई विश्वास छ ।’ विवाह ऐन १९८३ वमोजिम कैदीहरुले कारागारभित्र विवाहका लागि निवेदन दिन पाउछन् ।

बेलायतको रक्षा मन्त्रालयका अनुसार डी वर्गका कैदीबाहेक अन्य कैदीको विवाह कैदभित्र नै आयोजना हुनुपर्छ । अमेरिकाले सुपर्दगी गर्न कानुनी कदम चालेपछि असान्ज सन् २०१९ देखि बेलायतको एउटा कारागारमा छन् ।

अस्ट्रेलियाली नागरिक असान्जलाई इक्वेडरको दूतावासमा बसेको पाँच वर्षपछि प्रहरीले पक्राउ गरेको थियो । इक्वेडरको लन्डनस्थित राजदूतावासमा बसेको बेला आफूले असान्जको गर्भधारण गरेको मोरिसको भनाइ छ । त्यहाँ उनीहरूको नियमित भेटघाट हुने गरेको बताइएको छ ।

अमेरिकाले राष्ट्रिय सुरक्षासम्बन्धी गोप्य विवरण चुहाएको भन्दै असान्जलाई मुद्दा चलाउन खोजिरहेको छ ।