आँबुखैरेनी गाउँपालिकामा आज एकैदिन १० जना कोरोना संक्रमित थपिए

इच्छाकामना न्युज

१६, कार्तिक २०७७

आँबुखैरेनी गाउँपालिकामा आज एकैदिन १० जना कोरोना संक्रमित थपिए

आँबुखैरेनी, १६ कार्तिक । तनहुँको आँबुखैरेनी गाउँपालिकामा एकैदिन १० जना कोरोना संक्रमित थपिएको छ। स्वास्थ्य निर्देशनालय गण्डकी प्रदेशले नियमित अपडेट मार्फत आज दिनभर दिएको विवरण अनुसार आँबुखैरेनी गाउँपालिकामा एकैदिन १० जना कोरोना संक्रमित थपिएको हो।
निर्देशनालयले दिएको जानकारी अनुसार चितवन मेडिकल कलेज भरतपुरमा पिसिआर परिक्षण गरिएका वडा नं. ४ का ८० वर्षीय पुरुष कोरोना संक्रमण देखिएको छ भने क्षयरोग उपचार केन्द्र पोखरामा पिसिआर परिक्षण गरिएका ६५ वर्षीया महिलामा कोरोना संक्रमण देखिएको छ।
यस्तै पोखरा स्वास्थ्य विज्ञान प्रतिष्ठानमा पिसिआर परिक्षण गरिएका आँबुखैरेनी १ का २८ वर्षीया महिला र २८ वर्षिय पुरुष, आँबुखैरेनी ३ का २५ र ३७ वर्षिय पुरुष, आँबुखैरेनी ४ का २६ वर्षीया महिलाका साथै आँबुखैरेनी ६ का ३२ वर्षिय पुरुष रहेको छ।
संक्रमितहरु मध्य ५ जना प्रहरी हुन् भने बाँकी सबै स्थानीयहरु हुन्। यसैबिच संक्रमितहरु सबैको स्वास्थ्य अवस्था सामान्य रहेको र होम आईसोलेसनमा रहेको आँबुखैरेनी गाउँपालिका स्वास्थ्य शाखा प्रमुख अगमराज उपाध्यायले जानकारी दिनुभयो। साथै प्रहरीहरुलाई भने गाउँपालिकाले सञ्चालन गरेको आईसोलेसनमा राखिने पनि उहाँले बताउनुभयो।
आँबुखैरेनी गाउँपालिकामा पछिल्लो समय थपिएको संक्रमित सहित जम्मा संक्रमित हुनेको संख्या ३८ पुगेको छ। यस्तै सक्रिय संक्रमितको संख्या १३ रहेको छ भने निको हुनेको संख्या २५ रहेको छ।