- मंगलवार, कार्तिक १८ गते २०८३
TRENDING
काठमाडौं । स्वास्थ्य तथा खाद्य स्वच्छता मन्त्रालयले दसैँ बिदाका अवधिमा अस्पतालका अत्यावश्यक स्वास्थ्य सेवा नियमित सञ्चालन गर्न प्रदेशका स्वास्थ्य हेर्ने मन्त्रालय तथा सबै सङ्घीय सरकारी अस्पताललाई पत्राचार गरेको छ ।
मन्त्रालयले आकस्मिक सेवा, आकस्मिक शल्यक्रिया, प्रसूति सेवा र सघन उपचार सेवा अवरुद्ध हुन नदिन पर्याप्त स्वास्थ्यकर्मी तथा कर्मचारीको व्यवस्था गर्न आग्रह गरेको हो ।
त्यस्तै, आवश्यक औषधि, स्वास्थ्य उपकरण, रगत तथा रक्तजन्य पदार्थ र अन्य स्वास्थ्य सामग्री पर्याप्त मौज्दात राख्न मन्त्रालयले निर्देशन दिएको छ । बिदाका समयमा अस्पताल पूर्ण रूपमा बन्द नगर्न र कुनै पनि अवस्थामा अत्यावश्यक सेवा अवरुद्ध हुन नदिनसमेत भनिएको छ ।
सेवा प्रवाहमा देखिने समस्या तथा गुनासो तत्काल सम्बोधन गर्न अस्पतालहरूले सम्पर्क व्यक्ति तोकी नाम, पद, सम्पर्क नम्बर र ड्युटी रोस्टरसहितको विवरण मन्त्रालयमा पठाउनुपर्नेछ ।
मन्त्रालयले उक्त व्यवस्थाको प्रभावकारी कार्यान्वयन र अनुगमन गरी दसैँ बिदाभर नागरिकलाई सहज रूपमा स्वास्थ्य सेवा उपलब्ध गराउन सम्बन्धित निकायलाई आग्रह गरेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
