- मंगलवार, कार्तिक १८ गते २०८३
TRENDING
रत्ननगर । चेपाङ बालबालिकालाई प्रविधिमार्फत शिक्षा प्रदान गर्ने उद्देश्यले इच्छाकामना गाउँपालिकाको एउटा सामुदायिक विद्यालयमा कम्प्युटर ल्याब स्थापना गरी सञ्चालनमा ल्याइएको छ ।
वडा नं–१ स्थित राष्ट्रिय आधारभूत विद्यालय भाराङमा सपना भिलेज सोसियल इम्प्याक्टले १० वटा ल्यापटप हस्तान्तरण तथा पुस्तकालय र कम्प्युटर ल्याब निर्माण गरेको हो । सपना भिलेजका संस्थापक ध्रुव गिरीले ल्यापटप हस्तान्तरण तथा पुस्तकालय र कम्प्युटर ल्याबको औपचारिक उद्घाटन गरेका छन् । यसअघि सपना भिलेज र इच्छाकामना गाउँपालिकाको संयुक्त लगानीमा उक्त विद्यालयको भवन निर्माण गरिएको थियो ।
विद्यालयमा कम्प्युटर ल्याब र पुस्तकालयको अभाव थियो । विद्यालयलाई भवन, फर्निचर, ल्यापटप, पुस्तकालय तथा विद्यार्थीहरुलाई कुपोषणबाट जोगाउन बिहानको ब्रेड तथा दिउँसोको खाजा उपलब्ध गराइएको अध्यक्ष गिरीले बताए । चेपाङ समुदायका घरमा खानेकुरा अभावका कारण भोकै विद्यालय आउनुपर्ने बाध्यताको अन्त्य गर्न ब्रेड तथा दिउँसोको खाजा उपलब्ध गराएको उनको भनाइ छ ।
सपना भिलेजको सहयोगले विद्यालयमा आशा, उज्यालो र भविष्यप्रतिको भरोसा बढेको, भौतिक संरचना मजबुत बनेको, विद्यार्थी संख्या वृद्धि भएको तथा शिक्षा र पोषणमा परिवर्तन भएको विद्यालयले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
