काठमाडौं। क्रिकेटको महाकुम्भ भनेर परिचत टी-२० विश्वकप २०२६ सुरु हुन अब गनेर नै भन्नु पर्दा केही दिन मात्रै बाँकी छ । विश्वकप नजिकिँदै गर्दा देश तथा विदेशमा रहेका क्रिकेट समर्थकहरूमा उत्साहको माहौल बनिरहेकाे छ । ७ फेब्रुअरीदेखि भारत र श्रीलंकामा संयुक्त रूपमा आयोजना हुने प्रतियोगितामा नेपाल पनि सहभागिता जनाउँदै छ । नेपालले टी-२० विश्वकपमा समग्रमा तेस्रो पटक र लगातार दाेस्राे पटक खेल्दै छ ।

अघिल्लो विश्वकपमा जित विहीन बनेको नेपाल यश पटककाे विश्वकपमा भने सानदार प्रदर्शन गर्ने तयारीमा छ । नेपालकाे लक्ष्य विश्वकपमा खेल जित्ने मात्र होइन यसपालि भने सुपर आठमा पुग्ने पनि रहेकाे छ। तर, बलियो राष्ट्रहरूको समूहका रहेको नेपाललाई सुपर आठमा स्थान बनाउन त्यति सजिलो भने छैन ।

तेस्रो पटक टी-२० विश्वकप खेल्न लागेको नेपाल यति बेला भारतको मुम्बईमा छ, जहाँ ऊ मुम्बईको घरेलु टोलीसँग अभ्यास खेल खेलिरहेको छ । विश्वकपजस्तो ठूलो प्रतियोगिताअघि बलियो राष्ट्रसँग खेल्न नपाएको नेपालले घरेलु टोलीसँगै भएपनि अभ्यास खेलहरू खेलिरहेकाे छ।

टी-२० विश्वकपअघि राम्रो टाेलीहरूसङ्ग अभ्यास खेल खेल्न नपाएको नेपालले प्रतियोगितामा कस्तो प्रदर्शन गर्ला भन्ने बहस समर्थकहरूमा चलिरहेको छ । तर, राष्ट्रिय टिमका कप्तान रोहितकुमार पौडेलले भने यसपालि नेपालको लक्ष्य सुपर आठको रहेको बताएका छन् । हुन त यो सम्भव पनि छ । नेपालको समूहमा केही बलिया राष्ट्र भए पनि केही भने नेपालजस्तै सङ्घर्षशील राष्ट्र समेत रहेका छन् ।

आउँदो टी-२० विश्वकपमा उत्कृष्ट प्रदर्शनको अपेक्षामा रहेको नेपालका केही कमी कमजोरी पनि छन्, जसले नेपाललाई सुपर आठ त के समूह चरणमा खेल जित्न गाह्रो हुनसक्छ । नेपालको प्रमुख कमजोरी हो ब्याटिङ । नेपाल प्रायः महत्त्वपूर्ण खेलहरूमा खराब ब्याटिङ गर्दै आइरहेको छ । खेलनडीअरूमा सधैँ अनुभवको कमी देखिन्छ । उदाहरणको रूपमा हामीले सन् २०२४ को टी-२० विश्वकपलाई लिन सक्छौँ । प्रतियोगितामा नेपालले निकै खराब गरेको थियो । आसन्न टी-२० विश्वकपमा नेपालले सुधारिएको ब्याटिङ गर्न सकेन भने खेल जित्न गाह्रो हुनेछ । नेपालको अर्को ठूलो कमजोरी हो डेथ ओभर बलिङ । समग्रमा हेर्दा नेपालको बलिङ ठिकठाक छ । अझ भनौँ नेपालको प्रमुख हतियार नै बलिङ हो । नेपाली बलरहरू सुरुवाती १२-१४ ओभरमा उत्कृष्ट लयमा हुन्छन् तर अन्तिमका केही ओभरमा भने उनीहरूले लय गुमाएको देखिन्छ । यही खराब लयका कारण नेपालले डेथ ओभरमा धेरै रन खर्चिरहेको हुन्छ ।

टी-२० क्रिकेटमा अन्तिमका केही ओभर सबैभन्दा महत्त्वपूर्ण हुन्छन् । यो समयमा प्राय - फास्ट बलर बलिङ गर्ने गर्छन् । विगतको प्रदर्शन हेर्दा पनि नेपालले डेथ ओभरमा निकै खराब प्रदर्शन गरेको छ । त्यस्तै, आसन्न टी-२० विश्वकपमा नेपालले सानदार प्रदर्शन देखाउन डेथ ओभरमा उत्कृष्ट बलिङ गर्न आवश्यक छ ।

त्यस्तै, फिनिसिङ पनि नेपालको ठूलो समस्या बन्दै आएकाे छ । टी-२० क्रिकेटमा अन्तिमका ओभरमा उत्कृष्ट बलिङका साथै ब्याटिङ पनि सानदार गर्न आवश्यक हुन्छ । अन्तिमका केही ओभरको ब्याटिङले नै खेलको नतिजा प्रस्ट हुन्छ । नेपाली टोलीमा प्रतिभाशाली ब्याटर त धेरै छन् तर पावर हिटर खास्सै छैनन् । नेपालको समस्या याे पनि हाे। टी-२० क्रिकेटलाई पावरको खेल पनि भन्ने भनिन्छ ।

त्यस्तै, नेपालले ठूलो प्रतियोगिताहरुमा फिल्डिङ पनि राम्रो गर्न सकेको छैन । खराब फिल्डिङकै कारण विपक्षी ब्याटरहरु नेपालमाथि दबाबमा पर्दैनन् । फिल्डिङ पनि क्रिकेटको एउटा महत्त्वपूर्ण पार्ट हो, जसलाई सदुपयोग गर्न सकिएन भने आफैँलाई घाटा हुन्छ । त्यसैले पनि आसन्न टी-२० विश्वकपमा नेपालले सुधारिएको फिल्डिङ गर्न आवश्यक छ ।

त्यस्तै, नेपाललाई ठूलो टिमविरुद्ध पनि खासै अनुभव छैन । उसले ठूलो प्रतियोगिताबाहेक बलियो राष्ट्रहरूसँग प्रतिस्पर्धा गर्न पाउँदैन । टी-२० विश्वकपको वार्म अप खेलमा पनि नेपालले बलियो प्रतिस्पर्धी पाउन सकेन, जसले नेपाललाई विश्वकपका खेलमा एक्कासी बलियो राष्ट्रविरुद्ध राम्रो प्रदर्शन गर्न गाह्रो हुनसक्छ ।

टी-२० विश्वकपमा नेपालको समूहमा पनि इंग्ल्याण्ड र वेष्ट इण्डिजजस्ता बलिया राष्ट्रहरू छन् । नेपाल पहिलो पटक अन्तर्राष्ट्रिय स्तरमा इंग्ल्याण्डको सामना गर्दै छ । वेष्ट इण्डिजसँग भने नेपालले सन् २०२५ मा तीन खेलको टी-२० सिरिज खेलेको थियो, जहाँ नेपाल २-१ ले विजयी पनि भएको थियो । तर, विश्वकपमा भने यी दुई टोली पहिलो पटक आमनेसामने हुँदैछन् ।

समूहमा रहेको स्कटल्याण्ड र इटाली भने नेपालकै स्तरमा टिम हुन् । उनीहरुविरुद्ध नेपालले कस्तो प्रदर्शन गर्नेछ त्यो खेलपछि नै थाहा हुनेछ । सुपर आठमा स्थान बनाउने लक्ष्य रोखेको नेपालले प्रतियोगितामा सानदार प्रदर्शन गर्न आवश्यक छ ।

नेपालले सिधै सुपर आठमा स्थान बनाउन समूह चरणका चार खेलमध्ये तीनमा विजयी हासिल गर्नुपर्छ । तीन खेल जित्न नसकेको खण्डमा पनि नेपालले उत्कृष्ट रन रेटका साथ दुई खेल जिते पनि सुपर आठ सम्भावना कायमै हुनेछ ।

टी-२० विश्वकपमा नेपाल चार वटै खेल मुम्बईस्थित वानखेडे स्टेडियममा खेल्नेछ । त्यहाँको पिच ब्याटिङ र फास्ट बलरलाई उपयुक्त मानिन्छ । तर, कहिलेकाहीँ मुम्बईको पिचले स्पिनरलाई पनि धेरै मद्दत गर्ने गरेकाे पाइन्छ।

वानखेडेकोमा प्राय : पछि ब्याटिङ गर्ने टोली विजयी हासिल गरेकाे इतिहास रहेकाे छ । त्यसैले नेपालले खेलमा टस जित्न पनि आवश्यक छ । टी-२० विश्वकपमा नेपालले पहिलो खेल ७ फेब्रुअरीमा इंग्ल्याण्डविरुद्ध खेल्नेछ ।

प्रतियोगितामा नेपालले दोस्रो खेल १२ फेब्रुअरीमा इटाली, तेस्रो खेल १५ फेब्रुअरीमा वेष्ट इण्डिज र चौथो तथा समूह चरणको अन्तिम १७ फेब्रुअरीमा स्कटल्याण्डविरुद्ध खेल्ने तालिका रहेकाे छ । यसपालिको टी-२० विश्वकप भारतमा आयोजना भइरहँदा त्यहाँ नेपाली टोलीले दर्शकको पनि राम्रो साथ पाउने अपेक्षा गरिएकाे छ।