एउटै वडाका ५३८ घरमा खानेपानीको घारा

इच्छाकामना न्युज

३, पौष २०८२

बागलुङ । गण्डकी प्रदेश सरकारको ‘सबै घरमा खानेपानी’ अभियानअन्तर्गत बागलुङको ताराखोला गाउँपालिका–५ का ५३८ घरमा खानेपानीको धारा जडान गरिएको छ ।

वडामा रहेका कुल ५९५ घरमध्ये अधिकांश घरमा धारा जडान सम्पन्न भइसकेको छ भने अब २२ घरमा मात्रै खानेपानी पु¥याउन बाँकी रहेको वडाध्यक्ष मनबहादुर रोकाले जानकारी दिए । गण्डकी प्रदेश सरकारको करिब दुई करोड रुपैयाँ लगानीमा १८ वटा मुहानको पानी एकीकृत प्रणालीमार्फत घरघरमा पु¥याइएको हो ।

वडाध्यक्ष रोकाका अनुसार करिमेला, धस्मर, रानीवास, तातामाटा, छेल्लर खोला, नाङ्गी, औलादी, सानो हिले, ठूलो हिले, सिप, फेदी, पलीम, फुडेखर्क, मच्छर, भिरकुना र अर्गातुङ गाउँका घरमा निजी धारा जडान गरिएको छ ।

“विकासको पहिलो आधार शुद्ध खानेपानी हो,” उनले भने, “वडाभर खानेपानी पु¥याउने लक्ष्य पूरा हुँदैछ। एक घर–एक धारा अभियानअन्तर्गत अधिकांश घरमा धारा जडान भइसकेको छ, जुन हाम्रा लागि सुखद् कुरा हो ।”

घरमै खानेपानीको सुविधा पुगेपछि स्थानीयको दैनिकीमा सहजता आएको छ। पानीकै लागि टाढा रहेका सामुदायिक धारा र कुँवामा जानुपर्ने बाध्यता हट्नुका साथै समयको बचत र सरसफाइमा समेत सुधार आएको स्थानीयले बताएका छन् ।

विसं २०७५ देखि सुरु गरिएको एक घर–एक धारा अभियानले सार्थकता पाएको भन्दै स्थानीय खुसी व्यक्त गरेका छन् ।