- मंगलवार, कार्तिक २५ गते २०८३
TRENDING
दाङ । भारतको हिमाचल प्रदेशको शिमलास्थित कोटखाईमा सोमबार भएको जिप दुर्घटनामा सल्यानका एकै परिवारका तीनसहित चारजनाको ज्यान गएको छ ।
दुर्घटनामा सल्यानको कुमाख गाउँपालिका–४ बस्नेतज्युलाका ३७ वर्षिय राजेश विष्ट, ४७ वर्षिय डिल्लीबहादुर शाही, ३७ वर्षिय एकेन्द्र शाही र २४ वर्षिया लक्ष्मी शाहीको मृत्यु भएको हो ।
कुमाख गाउँपालिका–४ का वडाध्यक्ष शोभीलाल बस्नेतका अनुसार मजदुरीका लागि शिमला गएका उनीहरू काममा जाँदै गर्दा पिकअप गाडी दुर्घटनामा परेका थिए । दुर्घटनास्थलमै चारैजनाको मृत्यु भएको हो ।
वडाध्यक्ष बस्नेतले भने, “दसैँमा घर फर्किने तयारी गर्दै गरेका उनीहरू गाउँमै धान रोपाइँ सकेर काम गर्न शिमला पुगेका थिए । लक्ष्मी शाही एक वर्षअघि गएकी थिइन् भने अन्य तीन जना यसै वर्ष असारमा गएका थिए ।”
दुर्घटनामा ज्यान गुमाएका सबैको अहिले पोस्टमार्टम भइरहेको र शिमलामा रहेका कुमाख गाउँपालिकाका स्थानीय तथा आफन्तहरूको सहयोगमा मृतकको शव नेपाल ल्याउने तयारी भइरहेको वडाध्यक्ष बस्नेतले जानकारी दिए ।
दसैंमा घर फर्किने बेला एकै परिवारका तीनजनासहित चार जनाको मृत्यु भएपछि अहिले पूरै गाउँ शोकमा डुबेको गाउँपालिका स्रोतले जनाएको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
