- मंगलवार, कार्तिक २५ गते २०८३
TRENDING
काठमाडौँ । राष्ट्रिय परीक्षा बोर्डले माध्यमिक शिक्षा परीक्षा (एसइई) को नतिजा असार तेस्रो साताभित्र सार्वजनिक गर्ने तयारी गरेको छ। सामान्यतया असार पहिलो सातामै सार्वजनिक हुने एसइई नतिजा यसपटक केही ढिलो हुने भएको हो।
चैत २० गतेदेखि २९ दिनसम्म देशभरका शिक्षकहरूले गरेको आन्दोलनका कारण उत्तरपुस्तिका परीक्षण प्रक्रिया ढिलो भएकाले नतिजा सार्वजनिक मिति पनि पछाडि सरेको हो। परीक्षा नियन्त्रक डा.गणेशप्रसाद भट्टराईका अनुसार अहिले उत्तरपुस्तिका परीक्षण अन्तिम चरणमा पुगेको छ।
‘बिहानदेखि बेलुकासम्म कर्मचारी परिचालन गरेर परीक्षणको काम भइरहेको छ। केही स्थानमा परीक्षण बाँकी छ,’ उनले बताए, ‘सबै परीक्षण सकिएपछि उत्तर डेटा इन्ट्री, रुजु र त्रुटिहीन प्रक्रिया पूरा गरेर नतिजा सार्वजनिक गरिनेछ।’
गत चैत ७ गतेदेखि सञ्चालन भएको एसइई परीक्षामा नियमिततर्फ ४ लाख ३१ हजार ४६६ र ग्रेड वृद्धि तर्फ ६७ हजार ७१५ जना गरी कुल ४ लाख ९९ हजार १८३ विद्यार्थी सहभागी भएका थिए। परीक्षा बोर्डका अनुसार समयमै सबै प्रक्रिया सम्पन्न भएमा नतिजा असारको दोस्रो साताको अन्त्यतिर वा तेस्रो साताको सुरुवातमै सार्वजनिक गर्ने लक्ष्य राखिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
