- आइतवार, कार्तिक ३० गते २०८३
TRENDING
काठमाडौँ । ‘पोखरा भ्रमण वर्ष’ घोषणा कार्यक्रम उद्घाटनमा शनिबार बेलुन पड्किँदा घाइते भएका उपप्रधान तथा अर्थमन्त्री विष्णु पौडेल अस्पतालबाट डिस्चार्ज भएका छन् । पोखरा महानगरपालिकाका प्रमुख धनराज आचार्यको भने केही समय अस्पतालमानै उपचार हुने कीर्तिपुर अस्पतालका प्लास्टिक सर्जरी विभागका प्रमुख तथा उपचार टोलीका सदस्य डा. विशाल कार्कीले बताए ।
डा. कार्कीका अनुसार घाउ गहिरो हुन सक्ने जोखिम रहेकोले मन्त्रीलाई ४८ घण्टा निगरानीमा राखेर अपचार पछि डिर्स्चाज गरेको बताए । कार्कीले भने, ‘घाउ गहिरो हुन्छ वा हुँदैन, श्वासनली र फोक्सोमा समस्या आउँछ आउँदैन भन्नेबारे अस्पतालमा ४८ घण्टा राखेर निगरानी गर्नु पर्ने थियो । अवस्था सामान्य देखिएपछि डिस्चार्ज गरेका हौँ । मन्त्रीज्यूलाई केही दिन नियमित ड्रेसिङ भने गर्नु पर्ने हुन्छ । जुन घरबाट नै सम्भव छ ।’
आचार्य भने आफैं बस्न चाहेकाले केही समय अस्पतालनै राखिने कार्कीले बताए । 'मेयरज्यूले मुटुसम्बन्धी पहिलेदेखि नै औषधि खानुहुँदो रहेछ। उहाँले केही समय बस्ने इच्छा राख्नु भयो,' कार्कीले भने।
पोखरा भ्रमण वर्षको कार्यक्रम उद्घाटनका क्रममा शनिबार बेलुनको झुप्पा पड्किँदा मेयर आचार्यको गालाको धेरै भाग र देब्रे हातमा गहिरो जलन भएको थियो भने मन्त्री पौडेलको दुवै हातमा र अनुहारमा जलन भएको थियो । उनीहरूलाई पोखरामै प्रारम्भिक उपचार गरेर सोही दिन हेलिकोप्टरबाट काठमाडौंस्थित कीर्तिपुर अस्पताल ल्याइएको थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
