- शनिवार, कार्तिक २९ गते २०८३
TRENDING
धनगढी । कैलालीको कैलारी गाउँपालिका ९ गदरियास्थित जनता माध्यमिक विद्यालयको प्रवेशद्वारमा रहेको गेट ढल्दा च्यापिएर एक बालकको मृत्यु भएको छ । अर्को बालक घाइते भएका छन् । घटनालाई साढे १० लाखमा मिलाइएको पाइएको छ ।
आफन्तजन र विद्यालय पक्षसँग भएको छलफलपछि मृतकका आफन्तजनलाई क्षतिपूर्ति र घाइतेलाई उपचार गर्नेलगायत सहमति भएको जनाइएको छ ।
प्रहरी निरीक्षक खड्का अनुसार मृतकका आफन्तलाई १० लाख ५० हजार क्षतिपूर्ति दिने सहमति भएको छ । एक लाख नगद दिइएको छ, भने बाँकी ९ लाख माघ मसान्तभित्र दिइने बताइएको छ । त्यस्तै, ५० हजार रुपैयाँ कैलारी ९ का वडाध्यक्ष खेमराज चौधरीले दिने सहमति भएको प्रहरीले जनाएको छ ।
त्यस्तै, घाइते बालकको उपचार पनि विद्यालयले गर्ने भएको छ । यसका साथै उनको पठनपाठन जिम्मा पनि विद्यालयको रहने भएको छ ।
यसैबिच विद्यालयका प्रधानाध्यापक सीताराम चौधरीले पदबाट राजीनामा दिने बताएका छन् । सञ्चारकर्मीहरूसँगको संवादको क्रममा प्रअ चौधरीले आफूले नैतिक रूपमा राजीनामा दिएको बताए ।
स्थानीयले कैलारी ९ की वडा समिति सदस्यसमेत रहेकी विद्यालय व्यवस्थापन समिति अध्यक्ष शान्ति चौधरीसहित पदाधिकारीहरूको राजीनामा माग गरेका छन् ।
यसैबिच आक्रोशित स्थानीयले विद्यालय व्यवस्थापन समितिकी अध्यक्ष शान्ति चौधरीले आफ्नो पदीय जिम्मेवारी निर्वाह नगर्दा घटना घटेको आरोप लगाउँदै उनलाई हातपात समेत गरेको प्रत्यक्षदर्शी बताएका छन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
