- मंगलवार, कार्तिक २५ गते २०८३
TRENDING
काठमाडौँ — सुदूरपश्चिम रोयल्सले नेपाल प्रिमियर लिग (एनपीएल) क्रिकेटमा बुधबार जनकपुर बोल्ट्सलाई ७२ रनले पराजित गरेको छ । स्पिनरहरूको दबदबापछि सुदूरपश्चिमले लो स्कोरिङ खेलमा महत्त्वपूर्ण विजय हात पारेको हो ।
टस हारेर ब्याटिङमा आएको सुदूरपश्चिमले निर्धारित २० ओभरमा ९ विकेट गुमाई १ सय २३ रनमात्र बनाउन सकेको थियो । त्रिवि क्रिकेट मैदान कीर्तिपुरमा शीर्ष दुई टोली बीचको प्रतिस्पर्धामा जवाफमा आएको जनकपुर १२.१ ओभरमा ५१ रनमा अलआउट भयो । जारी एनपीएलमा यो सबैभन्दा न्यून स्कोर हो ।
पहिलो चार खेल जितेको जनकपुरको यो पहिलो हार हो । जनकपुरमाथि विजय हात पार्दै सुदूरपश्चिम शीर्ष स्थानमा उक्लेको छ । जनकपुरसँगै ८ रन भए पनि सुदूरपश्चिम राम्रो रन रेटका आधारमा शीर्ष स्थानमा छ ।
प्रतियोगितामा पहिलो खेल खेलिरहेका जोशुआ ट्रम्प बाहेक अन्यले दोहोरो स्कोर बनाउन सकेनन् । नवौं खेलाडीको रुपमा आउट भएका ट्रम्पले १ चौका र १ छक्का प्रहार गर्दै १३ रन बनाए । कप्तान अनिल साह ७ बल खेलि शुन्यमा आउट भएका थिए । आसिफ शेख ४, लाहिरु मिलान्था ७, हर्ष ठाकर ५, जिम्मी निसम ४, शुभ कंसाकार शून्य, अरनिको यादव १, शेर मल्ल शून्य र ललित राजवंशी ४ रनमा आउट भए ।
तीब्र बलर किशोर महतोले एकै ओभरमा आरिफ शेख (६), इशान (१७) र स्कट कुग्लेन (७) लाई आउट गरेपछि जनकपुर खेलमा हावी भएको थियो । किशोरले ४ ओभरमा ३५ रन खर्चेर विकेट लिए । शेरले ४ ओभरमा १९ र अरनिकोले ३ ओभरमा १६ रन खर्चेर २–२ विकेट लिए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
