- मंगलवार, भाद्र ९ गते २०८३
TRENDING
भरतपुर,२। चितवन जिल्लामा कोरोनाविरुद्धको दोस्रो चरणको खोपआजबाट सुरु गरिएको छ । भरतपुर, माडी र बकुलहर रत्ननगर अस्पतालमा खोप लगाउन थालिएको हो । यसअघि माघ १४ गतेबाट पहिलो चरणको खोप दिइएकोमा सरकारले आजबाट दोस्रो चरण सुरु गरेको हो । दोस्रो चरणको खोप फागुन ८ गतेसम्म चल्नेछ । दोस्रो चरणमा पहिलो चरणमा छुटेका स्वास्थ्यकर्मी, जनप्रतिनिधि र कर्मचारी, सरकारी कार्यालयका कर्मचारी, नेपाल प्रहरी र सशस्त्र प्रहरी, बैंक तथा वित्तीय संस्थाका कर्मचारी र पत्रकारहरुका लागि कोरोनाविरुद्धको खोप दिन थालिएको हो ।
दोस्रो चरणको खोप शभारम्भ समारोहमा बोल्दै जिल्ला समन्वय समिति चितवनका प्रमुख कृष्णकुमार डल्लाकोटीले छिटोभन्दा छिटो जनतावीचमा खोप अभियान सञ्चालन गर्नुपर्ने बताए । नागरिकको पहुँचमा खोप अभियान पुगेपछि मात्रै अभियानको सार्थकता रहने प्रमुख डल्लाकोटीको भनाइ छ ।प्रमुख जिल्ला अधिकारी नारायणप्रसाद भट्टराईले खोप अभियानमा सहभागी भई सुरक्षित र स्वस्थ रहन सवैलाई आग्रह गरे । जिल्ला स्वास्थ्य कार्यालय चितवनका प्रमुख दीपक तिवारीले चरणवद्ध रुपमा सवैलाई अनिवार्य खोप सेवा दिइने बताए । पहिलो चरणमा ९२ प्रतिशतले खोप सेवा लिएको तिवारीको भनाइ छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
