गायक /संगीतकार तथा एरेन्जर तेजेन्द्र गुरुङ र चर्चित गायिका तारा श्रीस मगरको जादुमय स्वरमा १४ फेब्रुअरी २०२१ अर्थात भ्यालाईन्टाईन डे मा नया कौडा गीत सार्बजनिक हुने भएको छ।  घुमी घुमी बोलको गीती एल्बम " कान्छी“ “ग्लोबल नेपाल इन्टरटेनमेन्ट” बाट सार्बजनिक गरिने यसै गीतका सर्जक अमेरिका निबासी रचनाकार नायक तथा समाजसेबी प्रेम गुरुङले जानकारी दिएका छन्। 
गुरुङ मगर समुदायमा ज्यादै प्रचलित लोकभाकामा आधारित कौडा गीतमा गायक तथा संगीतकार आर .के .गुरुङको संगीत रहेको रहेक छ भने एरेन्ज यस गीतका गायक स्वयं तेजेन्द्र गुरुङले भरेका छन् । भिडियोमा गुरुङ चलचित्रका चर्चित नायक नायिका प्रेम गुरुङ ,आनन्द गुरुङ ,अनुता गुरुङ ( कान्छी ),उदयमान कलाकार मणि कमल राई ,मोहन कुमार खत्री ,गायक गायिका मिन गुरुङ ,तारा श्रीस मगर ,पुर्णिमा गुरुङ ,निता गुरुङ लगायत मिलिजुली आमा समूह ,डाँडाथोक युरी तमु समाज र राजधानी तमु समाजका आमा बाबाहरुको बेजोड प्रस्तुति देखिने छ। 
यसमा रबिन थापा मगरको छायांकन मनांग गुरुङको कोरियोग्राफी चक्र पुलामिको कृयटीभ निर्देसन नबिन बाबु गुरुङको ड्रोन फोटोग्राफी  बन्दे प्रसादको सम्पादन समिर मियाको भि.एफ .एक्स . कलर रहेको छ भने निर्देशक भुपेन्द्र गुरुङले निर्देशन गरेका छन्। 
यस गीतका निर्माता युवा ब्यवसायी तथा समाजसेबी ओमनाथ घिमिरे ज्यु  हुनुहुन्छ।  सम्पूर्ण निर्माण कार्य मोसन स्टुडियोमा भईरहेको छ भने मिडिया संयोजकको रुपमा गायक दिपेन गुरुङ हुनुहुन्छ।  “कान्छी “गीतको भिडियो उत्कृष्ट बनाउन सबैले मेहनत गरेका छन् भने कान्छी ( अनुता गुरुङ ) कसको हुन्छ ? प्रेम गुरुङ मणि कमल राई मिन गुरुङ मोहन कुमार खत्रीको के भूमिका छ भन्ने हेर्नको लागी १४ फेब्रुअरी  २०२१ सम्म प्रतिक्षा गर्नु पर्ने निर्देशक गुरुङले बताएका छन्।  
यसपछि क्रमश : प्रेम र तेजेन्द्र गुरुङ को संयुक्त युट्युव च्यानल “ग्लोबल नेपाल इन्टरटेनमेन्ट “बाट प्रेम र तेजेन्द्रको सहकार्यमा " मेरो शैलुङ गाउँ ,शैलुर्बॆ ङोल्श्यो, सागर झैँ स्वच्छ , सालैजो लगायत थुप्रै सृजनाहरु सार्बजनिक गर्दै जाने योजना रहेको श्रस्टा प्रेम गुरुङले जानकारी दिएका छन्।