- मंगलवार, कार्तिक २५ गते २०८३
TRENDING
काठमाडौँ । कर्मचारी सरुवामा व्यापक बेथिति बढेको गुनासो आउन थालेपछि सरुवालाई पारदर्शी र वैज्ञानिक बनाउन मुख्यसचिव एकनारायण अर्यालको संयोजकत्वमा बसेको सचिवस्तरीय बैठकले मंगलबारदेखि एक साताका लागि कर्मचारी सरुवा रोक्ने निर्णय गरेको छ। यसअघि प्रधानमन्त्री तथा मन्त्रिपरिषद्को कार्यालयले गत भदौ २५ गते सरुवा पारदर्शी र व्यवस्थित गर्न संघीय मामिला मन्त्रालयलाई चिठी पठाएर निर्देशन गरेको थियो।
उक्त चिठीको आधारमा सचिवस्तरीय बैठकले सात दिनभित्र सबै मन्त्रालय/निकाय/कार्यालयले कर्मचारीको दरबन्दी र हाल कार्यरत कर्मचारीको विवरण अद्यावधिक गरी संघीय मामिला तथा सामान्य प्रशासन मन्त्रालयमा पठाउने गरेको छ। साथै विवरण अद्यावधिक नभएसम्म सेवा समूह सञ्चालन गर्ने मन्त्रालयहरूले कर्मचारीको सरुवा गर्न नपाउने निर्णय पनि गरिएको छ।
बैठकले स्वीकृत संगठन संरचनाअनुसारका दरबन्दीमा कार्यरत सबै कर्मचारीलाई जिम्मेवारी कार्यविवरण प्रदान गरी सात दिनभित्र जिम्मेवारी दिने र कुनै पनि कर्मचारीलाई जिम्मेवारीविहीन नराख्ने निर्णय गरेको छ।
यसैगरी उक्त बैठकले सरुवा भएका कर्मचारीलाई तुरुन्त रमाना दिन सबै मन्त्रालयलाई निर्देशन गरेको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
