- बिहिवार, कार्तिक २७ गते २०८३
TRENDING
आँबुखैरेनी । आगामी आर्थिक वर्षको निति, कार्यक्रम तथा बजेट चालु आर्थिक वर्षको असार १० गते भित्रै गाउँसभामा प्रस्तुत गर्ने समय सीमा अनुसार सोमबार देशभरका अधिकांश स्थानीय तहले निति, कार्यक्रम तथा बजेट प्रस्तुत गरेका छ् । तर तनहुँको आँबुखैरेनी गाउँपालिकाको गाउँ सभा निर्धारित समय सीमा भित्रै सुरु भएपनि आगामी आर्थिक वर्ष २०८१।०८२ निति तथा कार्यक्रम मात्र गाउँसभामा प्रस्तुत भएको छ ।
गाउँपालिकाका अध्यक्ष शुक्र चुमानले सोमबार सम्पन्न पालिकाको १५ औं गाउँसभामा आगामी आर्थिक वर्षको निति तथा कार्यक्रम प्रस्तुत गरेको थियो भने बजेट भने केही पछि पेश गर्ने जानकारी दिएको छ । अध्यक्ष चुमानले प्रस्तुत गरेको नीति तथा कार्यक्रममा आगामी वर्षकोलागि पुर्वाधार विकास तथा स्वास्थ्य र शिक्षा तथा पर्यटनलाई मुख्य प्राथमिकतामा राखेको छ । गाउँका स्वास्थ्य चौकी तथा विद्यालयको कच्ची भवन विस्थापित गरि सुविधासम्पन्न पक्की भवन बनाउने, सबै नागरिकलाई स्वास्थ्यको पहुँचमा पु¥याउने, शैक्षिक सुधार गर्ने विषयलाई गाउँपालिकाले मुख्य नीति तथा कार्यक्रममा राखेको छ ।
सभामा समयमै बजेट प्रस्तुत गर्न नसक्नुमा लामो समयदेखि लेखा अधिकृत तथा लेखापालको व्यवस्थापन हुन नसक्दा तयारी नपुगेको आँबुखैरेनी गाउँपालिकाका अध्यक्ष शुक्र चुमानले जानकारी दिए । यद्यपी असार १४ गतेसम्म गाउँसभा गरेर बजेट प्रस्तुत गर्ने तयारी भैरहेको अध्यक्ष चुमानले बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
