- सोमवार, कार्तिक २४ गते २०८३
TRENDING
आँबुखैरेनी। रामपुर एफसी रड्सविरुद्ध सहज जित हात पार्दै आँबुखैरेनी गाउँपालिका सेन्ट्रल कलेज प्रथम भरतपुर फुटबल च्याम्पियनसिपको सेमिफाइनलमा प्रवेश गरेको छ ।
शुक्रबार सम्पन्न तेस्रो क्वाटरफाइनल खेलमा आँबुखैरेनीले रामपुर रड्सलाई १ का विरुद्ध ३ गोलले हरायो । आँबुखैरेनीको जितमा कप्तान शन्त गुरुङले दुई तथा अबायमीले एक गोल गरे । रड्सका कप्तान अनिल राना मगरले एक गोल फर्काए ।
खेलको चौथो मिनेटमा नै आँबुखैरेनीले गोल गर्दै अग्रता लिएको थियो । जितेश गुरुङको पासमा गोल गर्दै शन्तले आँबुखैरेनीलाई अग्रता दिलाए । पहिलो हाफमा नै रड्सले बराबरी गोल फर्कायो । उसका लागि कप्तान अनिलले पहिलो हाफको अतिरिक्त समयमा गोल गरे ।
दोस्रो हाफमा आँबुखैरेनीले दुई गोल थप्यो । दोस्रो हाफको चौथो मिनेट अबायमीले गोल गर्दै आँबुखैरेनीलाई २(१ को अग्रता दिलाए । दोस्रो हाफको १५ औं मिनेटमा शन्तले व्यक्तिगत दोस्रो गोल गरेपछि आँबुखैरेनी ३–१ ले विजयी भयो । शन्त नै म्यान अफ दि म्याच भए ।
चितवन ११ फुटबल क्लबको आयोजनामा जारी प्रतियोगितामा शनिबार अन्तिम क्वाटरफाइनल खेल हुनेछ । चौथो तथा अन्तिम क्वाटरफाइनलमा सशस्त्र प्रहरी बल (एपिएफ) भण्डारा एफसी रड्स र गैंडाकोट एफसी भिड्नेछन् । खेल दिउँसो ३ बजे हुनेछ ।
चैत १० गतेसम्म चल्ने प्रतियोगिताको विजेताले तीन लाख ३ हजार तथा उपविजेताले एक लाख ५० हजार रुपैयाँ प्राप्त गर्नेछ । भरतपुर भ्रमण वर्ष २०२४ को अवसरमा प्रतियोगिता आयोजना गरिएको हो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
