इच्छाकामना :  चितवनको इच्छाकामनामा प्रथम इच्छाकामना सुन्तला महोत्सव सुरु भएको छ ।  गाउँपालिकाको आयोजनामा  आजदेखि सुन्तला महोत्सव सुरु भएको हो ।  
महोत्सवको  कृषि तथा पशुपंक्षी  विकास मन्त्री डा.  वेदुराम  भुसालले उद्घाटन गर्नुभयो । सुन्तला महोत्सवको उद्घाटन गर्दै मन्त्री भुसालले किसानहरुलाई उत्पादन बढाउन आग्रह गर्नुभयो ।  उहाँले बजारीकरणका लागि  सरकारले सहयोग गर्ने निति लिएको बताउनुभयो । 
मन्त्री भुसालले स्थानिय बजारले मात्र नपुगे राष्ट्रिय स्तरमा बजारी करण गर्न संघिय सरकारले सहयोग गर्ने बताउनुभयो ।  राष्ट्रिय स्तरमा खपत हुन नसके वैदेशिक बजारमा  निर्यात गर्ने सकारको निति रहेको बताउनुभयो । उहाँले चीन भ्रमणका क्रममा प्रधामन्त्रीले  नेपालको उत्पादन चीन निर्यात गर्ने सम्झौतमा हस्ताक्षर  गरिएको बताउनुभयो । त्यसमा सुन्तला जन्य फलफुल पनि रहेको  बताउनुभयो । 

महोत्सवमा सुन्तला कसले धेरै खाने प्रतियोगिता, बजारमा भन्दा सहुलियत मूल्यमा ताजा सुन्तलाको स्टल राखिने जस्ता क्रियाकलापहरु ग्रिने उहाँको भनाई छ । महोत्सवको अवसरमा सुन्तला कृषकहरुलाई विभिन्न सामाग्री वितरण गर्ने, दक्ष कृषि प्राविधिकहरुद्वारा रोगव्यादी सम्बन्धि तालिमहरु दिने काम पनि  हुने गाउँपालिका अध्यक्ष दान बहादुर गुरुङले बताउनुभयो ।साथै महोत्सवमा स्थानियले उत्पादनको परिकारहरु पाहुनलाई खुवाउने तथा  स्थानिय चेपाङ तथा गुरुङ समुदायको कला संस्कृति झल्किने झाँकीहरुको  प्रश्तुती रहने  अध्यक्ष गुरुङको भनाई छ ।

कार्यक्रममा प्रदेश सांसद कृष्णप्रसाद सिलवाल, जिल्ला समन्वय समिति चितवनका प्रमुख नारायणप्रसाद अधिकारी,गाउँपालिका उपप्रमुख माया सिलवाल, गाउँपालिका निर्वमान अध्यक्ष गीता गुरुङ, गाउँपालिकामा सक्रिय राजनीतिक दलका प्रतिनिधिहरुको सहभागिता रहनुभएको थियो । 
गाउँपालिकाको आयोजनामा वडा नं ३ स्थित तोक्दाङ, ढाप, माझगाउँ, सिरानगाउँ, डोडेलगायत गाउँ समेटेर माझगाउँमा सुन्तला महोत्सव सुरु भएको हो ।महोत्सव १८ गते सम्म सञ्चालन हुने छ ।