- शनिवार, आश्विन ३ गते २०८३
TRENDING
सुनिता लामा, चितवन, १७ माघ । नेपाल तामाङ्ग घेदुङ् इच्छाकामनाले आउँदो २८५७ औं नयाँ वर्ष अर्थात सोनाम ल्होछारको अवसर पारी साँस्कृतिक सहितका बिभिन्न कार्यक्रमहरुको आयोजना गर्ने भएको छ । आज इच्छाकामना गाउँपालिका ७ स्याङ्दिमा पत्रकार सम्मेलन गरी "राष्ट्रिय जनगणना २०७८ मा तामाङ्ग जाती, तामाङ्ग भाषा, बौद्ध धर्म लेखौ, कोविड १९ माहामरीमा सोनाम ल्होछार २८५७ घर घरमा भब्य रुपले मनाऔ" भन्ने नाराका साथ कार्यक्रम गरिने कुरा जानकारी गराइएको हो । इच्छाकामना गाउँपालिका वडा न.७ स्थित उर्गेन लिङ बौद्ध गुम्बा, सुन्दर वस्तीमा बिहान १० बजे देखि सुरु हुने उक्त कार्यक्रममा सास्कृतिक, जनचेतना तथा शुभ कामना आदान प्रदान गरिने तामाङ्ग घेदुङ सङ्घ इच्छाकामनाका अध्यक्ष इन्द्रमाया लामाले जानकारी गराउनुभयो । उहाँका अनुसार कार्यक्रममा सेलो नृत्य प्रतियोगीता र गत वर्षका एस इ इ उत्तीर्ण विधार्थीहरुलाई सम्मान पनि गरिने छ। घेदुङ्का कोषाध्यक्ष पासाङ लामाका अनुसार यस वर्षको माघ ३० गते पर्न गएको सोनाम ल्होछारको अवसरमा माघ २४ गते सो कर्यक्रम गरिने भएको हो । गाउँपालिका अध्यक्ष गीता कुमारी गुरुङ्गको प्रमुख आतिथ्यता रहने ल्होछार कार्यक्रममा करिव साढे २ लाख खर्च हुने अनुमान गरिएको छ । जसका लागी एक लाख पचास हजार गाउँपालिकाले विनियोजन गरेको छ भने बाँकी घेदुङ सङ्घ इच्छाकामनाले बेहोर्ने सङ्घका कोषाध्यक्ष लामाले जानकारी गराउनु भएको छ। माघ २४ गते हुन गईरहेको ल्होछार कर्यक्रममा राष्ट्रिय तथा स्थानिय कलाकारहरुको वेजोड प्रस्तुती रहने बताइएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
