गोरखा । गोरखाको सहिद लखन गाउँपालिकामा रुपान्तरणका लागि सामाजिक परिचालन तालिम सम्पन्न भएको छ । यूएसएआईडी र एडवान् नेपालको संयुक्त आयोजना र शहिदलखन गाउँपालिकाको समन्वयमा वडा नं ७ को बुङकोटमा तालिम सम्पन भएको हो ।

भदौ १ गतेबाट ५ गते सम्म संचालन भएको तालिममा बौद्वनाथ कोशिश महिला कृषक समुहका १८ जना र वडा नं ८ को सन्तानेश्वर कोशिश महिला कृषक समुहका २० जना विपन्न महिलाहरू सहभागिता रहेका थिए । गाउँपालिकाका ९ वटै वडाका विपन्न महिलाहरूलाई आत्मनिर्भर र स्वरोजगार बनाउनुका साथै उनीहरुको क्षमता अभिवृद्धि गर्ने उद्देश्य कार्यक्रम संचालन गरिएको एडवान नेपालको गोरखा फिल्ड संयोजक कमल बहादुर बसेलले बताए ।

विपन्न महिलाहरूको कृषक समूह गठन गरी कृषि र पशुपालन सम्बन्धि तालिम दिएपछि उनिहरूको क्षमताविकास र नेतृत्व विकासका लागि यो ५ दिने रूपान्तरणकारी तालिम दिएको उनले बताए । संस्थाले गोरखाका र चितवनका करिव एक हजार जना आार्थिक र सामाजिकरूपमा विपन्न महिलाहरूलाई आत्मनिर्भर, स्वरोजगार, व्यवसायिक र नेतृत्व तहमा पुर्याउने उद्देश्यले विगत १ बर्षदेखि विभिन्न कार्यक्रमहरु संचालन गर्दै आएको उनले जानकारी दिए ।

कार्यक्रममा सन्तानेश्वर कोशिश महिला कृषक समुहका अध्यक्ष अनु सुनारले यो तालिममा गरिबी, घरेलु हिंसा, बालविवाह, अधिकार र अवसर, भाषणकला, निर्णय लेखन, नेतृत्वविकास र आफ्नो दैनिक जिवनमा उपयोगि सिपहरू प्राप्त भएको बताइन्।

तालिम समापन कार्यक्रममा गाउँपालिका उपाध्यक्ष ईन्दिरा तिवारीले तालिमले महिलाहरूलाई नेतृत्व गर्न सक्ने ठाउँमा पु¥याउन सघाउने अपेक्षा गरिएको बताइन् ।

कार्यक्रममा वडा ७ नं वडाका वडा अध्यक्ष शरण श्रेष्ठले तालिम निकै उपलब्धिमुलक भएको र आगामी दिनमा यसले गाउँमा उपलब्धिमुलक र परिवर्तनको काम गर्ने विश्वास व्यक्त गरेका थिए । त्यस्तै, वडा नं ८ का वडा अध्यक्ष वासुदेव ढकालले तालिमले महिलाहरुको नेतृत्व र क्षमता विकास गर्नमा धेरै सहयोग पुग्ने बताए ।